يالبى قلبهـ كل ماقال :لبيهـ..

[ولـد المدينـهّ]

يآلبى قلبه كل مآ قآل " لبيه "
ويالبى صوته كل ما قال :لي هاه




بالحالتين ان ترجمت شفته / إيه
أضيع من كلي وادورني ما القاه



يشل عقلي كل ما جيت أحاكيه
وأنسى أني أصلاً كنت في شي أبغاه



أذوب في حرفه وصوته يحليه
.. واللي يجنني إذا حرّك إشفاه



وتعانقت من نشوة الشوق/ والتيه
وش حيلتي غير التناهيد والآه




يضماه سمعي وانتظر لين يرويه
. والمشكله حتى وهو يمي أضماه




حُبه مثل طيرٍ يبي بيت يأويه
وانا ادري انه داخل القلب مأوآه




وحده بقلبي دوم محدٍ يسآويه
وانا بقلبه طول هالعمر أملاه




الشوق محدٍ غير صوته يدآويه




ويجذ نار الغيض فيني من اقصاه






صوته مطر في جيته في تجليه

تطفي عذوبة قطرته شوق مضناه




صوته صدى تغريد طيرٍ يغنيه
صوته نسيم الصبح في طلعة ضياه





صوته نغم تطربني رقة اغآنيه
صوته عليه أدمنت ودوآي من دآه





صوته هدير الموج لامر شآطيه
وانا بشوقي كل ما الريح وداه




يذهل شعوره مسمعي كل مدعيه



.. كني على ضفة بحر يحتري ماه



أرقب طيوفه كل ما زارني فيه
ويدق قلبي كل ما مر طرياه




وان حظّني وقتي بشوفه اداريه
عن كل مخلوقٍ يضره وانا معاه




ما ودي حتى الشوك تلمس برجليه
واغار من نسمه / تداعب محياه




والود ودي وسط عيني أخليه
والحفه رمشي وبالعين أدفاه




يعيش بي حلمٍ سرقني بيديه
واعيش به واقع مَلك كل ما جآه




لين أوصل بشوقي لحده واناديه
واحاول القاني وانا ضايع وياه




ويرد لي من رقة إشفاه | لبيه
واضيع من ثاني وانا اقول له هاه !

اتمنى تروؤق لكم .

[خريج انتظار]

يابن الحلال انت شاطح وجايب العيد فيه قسم للاشعار والقصايد اطرح ماعندك الله يسلمك


بس قصيده حلوه من فين سارقها ..؟

[بنت أبوي وقدعة]

هههههههههههههههههههههههههههههههههههههه
حلوة منوين سرقهاااااااااا
هههههههههههههههههههههههههههههههه
يسلمو قصيدة فل صميم