المساعد الشخصي الرقمي

مشاهدة النسخة كاملة : بنات ممكن تردون علي

ودالمشاعر
2011-10-05, 12:03 AM
مرحبا

انا من ثلاث اسابيع جتني رسالتهم الثانيه من حافز بس لما سمعت ان في بنات جتهم وظايف اللي مستخدمه واللي مغسلة موتى وقفت ماعبيت بياناتي
اللي ابي اعرفه على اي اساس يجيبون وظايف كذا وانتي اخترتي مهنه محددة
وغير كذا المهن اللي موجودة بحافز مافيها تدريس ابد
هل قدمتوا على حافز والا طنشتوهم افيدوني الله يعافيكم
خريجة بكالوريوس
2011-10-05, 12:40 AM
السلام عليكم ورحمة الله وبركاته
ليش تطنشين قدمي موشرط يلقون لك وظيفه وتحصلين على الاعانه ومين قالك مافيه وظائف معلمات يجيك خيارات ومنها التعليم واذا اخترتيه يظهر لك خيارات منها تعليم بنات اهلي وحكومي وايضا تعليم رياض اطفال توكلي على الله وقدمي موفق بإذن الله ... لك مني أجمل تحية .
الحظ الأوفر ماعمني؟؟؟
2011-10-05, 01:14 AM
وعليكم السلام ورحمة الله وبركاته

حبيبتي

كملي بياناتك وتوكلي ع الله

وفيها وظايف تعليمية مو بكيفهم يوظفونا....وهم يتمنون أنك

ماتكملين بياناتك ع اساس تروح

بجيوبهم..يمنون علينا ع بالهم من حلال أبوهم...

حبيبتي الله يسلم أبو متعب...

وترأ كلنا بكالوريوس ...يبون يذلونا...ماعاش من يذلنا ...وأنا أختكــ....

ارفعي رأسكـــ تراكــــ ببلادكـــ...

وتذكري لا يرمى إلا الشجر المثمر...:sw203:..
حلا المدينه
2011-10-05, 01:35 AM
صحيح أختاري تعليمي
انا شفت كل البيانات
تحديد المهنة هوا اللي يحدد نوع وظيفتك
فية
تعليم
فني
كهربائي
ادارة حاسب
اسلامي

البعض يختار أسلامية وموجود فية (( الوظائف في الحرم - مغسلة اموات- .....وغيرها من الوظائف اللي تخصص الشيء الطلوب بنسبالك .....


عرفتي لازم تحددي المهنة بعدها يدوروا لك وظيفة
هـمــس الذكــريــات
2011-10-05, 02:17 AM
والله حبيبتي انا سجلت فيها بس ماكملت بيناتـــي
لانى صـــراحـه مافهمتـــها وبعديــن رسلــو لـــي كملي بياناتك
ماكملتها وابي اعرف الرساله الي جتك كيف ايش بالرساله
ودالمشاعر
2011-10-05, 03:06 AM
اشكركم على ردودكم والله يعطيكم العافيه

من جد ريحتتوني
دهن فواح
2011-10-05, 03:32 PM
بنات كملوا بياناتكم ترى الاعانة من حقكم لاتخلوها تروح في بطون الحرامية

وبعدين اذا جابوا وظائف ماتناسب تخصصاتكم لاتقبلوها نبغى الاعانة الله لايسامحهم

الملك قال تصرف لكل عاطل ماقال حطوا شروط هادا اقل شئ من حقوقنا على بلدنا
سما الوطن
2011-10-05, 07:19 PM
كملي البيانات ماانتى خسرانة شئ
وظائف مالقينا احنا عاد هم بيجيبون وظائف
هـمــس الذكــريــات
2011-10-07, 05:07 PM
بنات الرقم السري مووراضي يضبط معي ادخل الرقم السري الحالي ويطلع لي الرقم السريان غير متطابقان مع انوو نفس بعض عشان ابي اكمل بياناتي يطلع لي تعديل الرقم السري ولما اجي اسويه مايضبط بنات الي تعرف تقول لي بليز وشكرا لصاحبه الموضوع
ودالمشاعر
2011-10-08, 05:00 PM
مشكورات عالردود

اخت همس حاولي تغيرين اللغه يمكن يصير
ودالمشاعر
2011-10-08, 05:02 PM
بنات هل لازم اعبي البيانات كلها لان وقفت عند صندوق البريد ورقم المنزل احنا ماطلعنا صندوق بريد ومارقموا المنزل اخليه عادي فاضي
ودالمشاعر
2011-10-08, 09:11 PM
بنات كيف اكتب اسم الحي لان مايخليني اكتب اسم الحي بس مكتوب اخرى مافي خيارات بس مكتوب اخرى واختار اخرى مايطلع شي
وغير كذا وش قصدهم بالتخصص الدقيق
واسم الجامعه اللي متخرجه فيها انا تخرجت من كلية التربيه للبنات بس تغير اسمها وصارت جامعه بس عقب ماتخرجت وش السوات هنا مافي من ضمن الخيارات كلية التربيه احنا مغيرين الكليه الى جامعه وهم من ضمن الخيارات كاتبين جامعه اللي انا كنت متخرجه منها بس كان اسمها كليه
وش اختار نفس اللي كاتبينه جامعه والا اخرى اختار
واذا جيت احفظ يقول لاتوجد مؤهلات تعليميه مسجلة مدري وش السالفه مع اني مكمله بس ليه يطلع كذا
هل احد صادف المشكله هذي