طلب وظيفه

[عبودي الحربي]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

كل عام وانتم بخير

اخوكم عبدالله الحربي متخرج من كلية المعلمين تخصص رياضيات ابحث عن مدرسه اهلية بالمدينه محتاجه مدرسين تكفون الى يعرف لا يبخل علي ؟؟؟؟

ان بنتظار ردودكم

[سعيد الأحمدي2]

معقوله رياضيات وما تعينت ؟؟؟

ياخي انا سامع خبر يقولك تعاقدوا مع مدرسين من الخارج تخصص رياضيات

يقولون مافيه متخرجين ؟؟

كلهم تعينوا

[عبودي الحربي]

يعطيك العافيه اخوي سعيد

من وين سمعت هذا الخبر ياالغالي

[هتون السحاب]

لا تروح في المدارس الخاصة عندي لك مئة وظيفة

انت شاب وسيارتك تحت رجلك تقدر تطلع راتب التدريس واضعافة بس يبغى لك تفتح مخك

وتطق طق يمين ويسار.

اولا روح مكتب العمل في المدينة او ادخل على الموقع حقهم وقدم فيه

اخوي قدم ووظفوه على طول محاسب براتب 2700 وللعلم اخي مو محتاج وظيفة

عنده سيارة وبيت ملك ولكن العمل للشاب هااااااااااام .

واذا ماعجبتك الفكرة خبرني وانا اشوف لك حل اخر .

[عبودي الحربي]

يعطيك العافيه والله يااختى انى ادور على الوظيفه بشمعه يااختى هتون السحاب تكفين تشوفيلى صرقه

[هتون السحاب]

اخي والله اني اساعدك لوجه الله لا ابتغي الا الدعاء


اولا :دور لك وظيفة في مكتب العمل لهم موقع اسمه وزارة العمل ادخل وسجل بياناتك ومؤهلك
واذا لقيت مطلبك ارجع طمنا .
فيه وظائف شركة زين وغيرها من الشركات روح لمكتب عبد اللطيف جميل وقدم عليها
والعصريات اذا فاضي اشتغل في مكاتب الدلالة والله ثم والله انهم يدخلون مبالغ لاقوة الا بالله
يمكن تضحك على فكرتي هذي لكن لو قلت لك ولد جارنا شرى سيارة جديدة من صفقة بيع عمارة
راح تعيد النظر .
ياخي لو مرة مالقيت وظيفة كد على سيارتك الين ربك يفرجها بس لا تركب نسوان بدون محرم ابدا .

[عبودي الحربي]

يعطيك العافيه يااختى مو لقيت شىء على موقع العمل

طيب كيف التقديم على شركه زين وين احصل مكاتب الدلاله يااختى هتون

وعن المكته الحمدلله اكد واطلع قوت يومي ولله الحمد لله

وجزاك الله خير

[هتون السحاب]

هذا رقم مكاتب عبد اللطيف جميل 048366100

سمعت والعلم عند الله من هناك التقديم على وظايف زين وغيرها

لكن هاه ان رحت لهم اسأل فيه وظائف نسائية حاليا ترى حتى انا ادور وظيفة

ووبالنسبة لمكاتب الدلالة شوف اي حد من قرايبك الثقات او غيرهم عندهم مكاتب عقار

او اي حد عنده مخططات اراضي

وانت اعرضها على ربعك اوجيب له زباين وتاخذ نص الدلالة .

لو قيمة الارض 300000 الف دلالتك 2.5 في المئة يعني7500 بالله مو احسن من التدريس ؟؟

والله لو كنت رجال لشتغل دلااااال .

عاد لو جبت زبون لفلة او عمارة متعددة الشقق ماعليك الا تمسك الالة وتحسب الصفقات

الله يوسع علينا وعليك وعلى كل محتاج.

[عبودي الحربي]

الله اما امين

الله يعين وجزاك الله خير تعبتك معايا يااختى هتون السحاب

[الاستاذ غازي الحربي]

ماقصرتي اختي هتون السحاب

بصراحه معلومات انا استفدت منها

وإن شالله جميع الأشخاص يستفيدو من جميع المعلومات اللي كتبتيها

وفقك الله اخيتي

[هتون السحاب]

اهلا اخي غازي

انا احس بمعاناة اي شخص يبحث عن عمل لاني مثلهم

وبالذات الشباب لابد انه مايستسلم ويحط يده على خده وينتظر الوظيفو الحكومية

عشان ما يبطي عظم, اللي يستنا المعاش ما عاش ,

انا عندك خريجة بكالوريوس رياضيات ودبلوم علوم ورياضيات , وما لقيت شي

بس اخذت دورات تجميل من مدة طويلة واصبحت خبيرة تجميل يشار لها بالبنان

وجالسة ابحث عن مصادر دخل عشان اسوي مشروع مركز تجميل بالاعتماد على الله

ثم على نفسي .

لا لليأس نعم للكفاااااااااااااااااح.

والله يرزق الجميع بالحلال الطيب

[عبودي الحربي]

جزاك الله خير ياهتون السحاب

بس دقيت على مكتب عبداللطيف جميل محد يرد ابغا

[هتون السحاب]

عاود الاتصال لين يردووووون

-ادخل على موقع وزارة العمل .وسجل فيه كعضو
وبعدين سجل السيرة الذاتية واختر الوظائف اللي تناسبك وقول يالله .

انا اليوم سجلت فيه لو صعب عليك شي اسألني .

[عبودي الحربي]

ماعليش ياهتون السحاب بتعبك معايا على اي موقع التسجيل

ويعيك العافيه ومقصرتى وجزاك الله خير

[هتون السحاب]

ابحث في قوقل عن (وزارة العمل)

وسجل المستخدم وكلمة المرور

ثم اعمل السيرة الذاتية ومنها تتبع التعليمات الين اخر شي تختار المنطقة اللي تبغى العمل فيها

و3 وظائف من القائمة اللي تعرض عليك . وبالتوفيق لك ولكل من مر هنا .

[عبودي الحربي]

يعطيك العافيه

[المرهفة الحساسة]

انا زيكم رياضيات ولي اربع سنوات انتظر والله يعين
الله يوفقك اختي هتون السحاب

[هتون السحاب]

هلا بالمرهفة الحساسة

ايش رايك ندرس دروس خصوصية ؟

لو وافقتي يصير نشجع بعض ونتعاون احسن من ترجي العالم بدون فايدة؟


هاااااااااااه وش قلتي .

[عبودي الحربي]

الله يوفقكم ياهتون السحاب والمرهفه الحساسه وكل الخرجين والخرجات

[بنت سالم]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

كل عام وانتم بخير

اخوكم عبدالله الحربي متخرج من كلية المعلمين تخصص رياضيات ابحث عن مدرسه اهلية بالمدينه محتاجه مدرسين تكفون الى يعرف لا يبخل علي ؟؟؟؟

ان بنتظار ردودكم

بلا تدريس بلا هم ياكثر المجالات عندكم والله
افتح لك مكتب عقار او مؤسسه خدمات عامه وراح تشوف الخير قدام عيونك :cool:

بس التجاره يبيلها شطاره بالتوفيق خيووو