المساعد الشخصي الرقمي

مشاهدة النسخة كاملة : اتقبلت وفرحانآ ومتحمسآ بس عندي شوية اسئلا ياحلوين ^^

Celia
2011-09-01, 04:43 AM
السلام عليكم ورحمة الله وبركاته

اول حاجا حبايبي المزز كل سنا وانتوا طيبين وينعاد عليكم بالمسرات والخير يارب يارب ...

وكيدا كيف العيديات والكلام دا كلو :50:

مممم واللهي انا كنت بادرس في الاولى تالتآ متوسط ...

ودحين نقلت ال19 وانقبلت الحمدلله نسبتي كانت 98% .. الحمدلله يارب

ومرا متحمسسسة للدراسا وناويا بازن الله اشد حيلي واقطعو كمان ..

احس انو دوبها حياتي الحقيقية بتبدأ ، الدراسة فيث المتوسط كانت تحمية بالنسبة ليا ..

اما دحين هادا الكلام اللي من جد والمعلومات اللي حاخدها من السنوي بأزن الله

يارب نتوفق كلنا حبايبي وتتسهل علينا وتكون سنة سريعة وحلوا يارب ^^

عندي كزآ اسئلة كيدا وحابا استفسر عن حاجات معينة ...


1- مممم وحدا قالتلي انو نظام المقررات غالبن مايكون في تنقل بين القاعات

زي الجامعا بالزبط ، هل هادا الشي مطبق في ال19 ؟؟



2- لو سمحتوا الطالبات اللي بيدرسوا وعارفين النظام كويس ياريت لو تقولولنا المخالفات وكيدا

زي مسلن العدسات الملونة او الاكسسوارات او عبايات الكتف

لو سمحتو ابغا نظرة شاملة عن الحاجات هادي ^^



3- كم عدد الفصول لكل مرحلآ ؟ وتقريبن كم طالبا في الفصل الواحد ؟؟ =))



4- سمعت انو المدارس المطورة تحتاج لابتوبات يعني نجيب لابتوب وكيدا نشتغل عليه ... دا الشي مطبقينو في ال19 ؟؟



5- الرحلات الميدانية تكون لكل السنوات ولا بس تالتا وتانيا ؟؟




انا عارفا اني غلسا وتقلت عليكوم وامكن بعض الاسئلة مكررة ..

بسس واللهي من كتر الحماس ابغا انضبط واعرف كل حاجا كيدا ... :e050:






اختكم اللي تحوبكم كتير / داليآ :wub:
أروى نمنكاني
2011-09-02, 03:06 AM
اهلا وسهلا دلووووشا كيفك وكيف العيد معاكي ان شاء الله كويس وتكوني بخير
أول شيء مبرووووك عشان انقبلتي
أنا مررررة فرحانة عشان في وحدة متحمسة بدي الطريقة زيي أول بس ماكان في منتدى>>>>>دحبن مين قدكم
أنا أقدر حماسك وآسفييييين عالتأخير<<<<<

1- مممم وحدا قالتلي انو نظام المقررات غالبن مايكون في تنقل بين القاعات
زي الجامعا بالزبط ، هل هادا الشي مطبق في ال19 ؟؟
هوا كده كان أول بس بعد انفلونزا الخنازير بطلوووا بس دحين المواد الا لها قاعات : الحاسب - المهارات الحياتية - الأحياء - الفيرياء - الكيمياء - تربية صحية ------- ومعلمات المواذ التانية يعرضوا في الفصول دروسهم

2- لو سمحتوا الطالبات اللي بيدرسوا وعارفين النظام كويس ياريت لو تقولولنا المخالفات وكيدا
زي مسلن العدسات الملونة او الاكسسوارات او عبايات الكتف
لو سمحتو ابغا نظرة شاملة عن الحاجات هادي ^^
طبعا ميكب نو بس الكحل عادي بس مو تتقلي مررررررة - العباية عالراس - طبعا الاجهزة ممنوعة كلها سوى اللاب ازا كان عندك شي ضروري يخص المنهج والدروس - المراييل تعرفي اكيد نظامها مو ضيقة من الاخلاقيات أصلا - عادي الاكسسوارات -- وغيروا بس مني متزكرة دحين

3- كم عدد الفصول لكل مرحلآ ؟ وتقريبن كم طالبا في الفصل الواحد ؟؟ =))
حسب الدفعة بس من سنتين كان : اولى ٦ - تانية ٤ - تالتة ٤
الظالبات يختلف كمان بس الاغلب ٣٤ بس يوم كنت انا سنة تانية ٢٩ بنت بس

4- سمعت انو المدارس المطورة تحتاج لابتوبات يعني نجيب لابتوب وكيدا نشتغل عليه ... دا الشي مطبقينو في ال19 ؟؟
يب مطبق بس مو دايما حلاوة تجيبيها دايماااا للعب حتى المديرة شددت قالت بس للضرورة

5- الرحلات الميدانية تكون لكل السنوات ولا بس تالتا وتانيا ؟؟
والله حسب كل مادة ومتى تنزل دي المادة وحسب المعلمة كمان بس الاغلب المهارات الحياتية فيها وتنزلك في تانية عالاغلب شفتي اكييييد مشاريعنا حقت المهارات هتا وعاليوتيوب ومشاريع المواد التانية

ما تقلتي كتييييير عادي بس انا رديت عشان خاطرك وخاطر حماسك وخاطر مدرستي
اي استفسار نحنا حاضرييين ونتقابل ان شاء الله السنة الجية
عصفورة جريحه
2011-09-02, 02:38 PM
الله يسعدگ ممررة فرحتيني

فرحت انو فيه احد متحمسس معاياا ومتحمسس للدراسة زيي

يعطيگ العافية ياأروى على المعلومات المفيدة

الله يوفقنا ياارب *
Celia
2011-09-02, 07:06 PM
حبيبتي اروى مرسي يا آلبي عالتجاوب السريع دا والكويس ..

اصلي حسيت انو كيدا محد معبرني وشويا حسير ايمو :d

ممم أيوآ المريول الين دحين مافصلتو بس انو اشتريت القماش المقلم داكا من بادويس :d

ممممم واللهي كويس انا حبيت ال19 اكتر من ال35 احس ، لانو فيها تشدد اكتر من هنا يعني =)

الحمدلله الشروط مناسبتني وكل حاجا مناسبتني ومستعدا اكرف زي المدري اي اهم حاجا اعدي السنة :d

شوكرن ليكي اروى حبيبتي وان شاء الله نتقابل اول يوم كدا ونتعرف كمانا ^^

تسلميلي تاني =)
Celia
2011-09-02, 07:07 PM
عصفورآ اهلن بيكي يامزة ، انتي كمانآ اولى سنوي ؟ وا كويس انو في احد هنا زيي يعني :d

يب واللهي متحمسآ ودحين حروح اشتري الشنطا والكولكشن :dddd

اهلن بيكي تاني ^^
أروى نمنكاني
2011-09-04, 03:32 AM
حماسنج مرررررررة ميرسي حبايبي خلاص موعدنا المدرسة عرفتو اسمي اسالو عني وتلاقوني ان شاء الله
عصفورة جريحه
2011-09-05, 02:37 PM
ايوآ أنا أولللى ياقلبي ^^

ان شاء الله نشوفكم بالمدرسسسة

مررة متحمسسسة للمدرسسة
بسس =1كككترر ششي خايفة منوالرياضيات

مع انو جبت ممتاز بيللو ممتاز

بسس خايفة بليييز بناات قولولنا كييف مدرسسات الرياضيات بالمدرسسسة شرحهم وكدآ ؟؟

طمنوني الله يطمنككم ان شاء الله

الله يعيننا يااارب

اختگم ؛ ولاء. *
أروى نمنكاني
2011-09-05, 06:44 PM
اهلا وسهلا ولاء
رديتلك في رسالة
ندشدش
2011-09-08, 02:02 PM
تنورو مدرستنا ياموزز..
مرره عجبني حماسكم يارب دايمن..
الله يوفقك ويوفقنايارب..
غلاتي بضحكتي
2011-09-08, 10:58 PM
والله انا متحمسه ماشاء الله الكل متحمس للمدرسه
غريبه دايم كنا نقول اوف جات المدرسه بس بازن الله حتكون ال١٩ غير كمان انا اولى تانوي
الله يوفقنا كولنااا يارب
أروى نمنكاني
2011-09-09, 04:30 AM
اهلا وسهلا بيكم كوووووولكم بس لا ينقطع حماسكم
تنورونا وتشرفونا ان شاء الله نتقابل
صراحة بالنسبة لياااا كانت غيييير طلعت كل مواهبي
ننتظر أعمالكم
malak 3a6if
2011-09-09, 04:23 PM
من جد الله يعطيكي العافية اروى..
مررا يسلموو..
أروى نمنكاني
2011-09-10, 07:24 PM
الله يسلمك حببتي
Areej Sa'ed
2011-09-10, 11:02 PM
يعطيييكي العافيه رورا ياالبي مشالله عليكي كفيتي ووفيتي (=
ويناااش ع المتحمسييين يلا شدو حيلكم مزبووت وربي يوفق الجميع انشالله (=
وازا عندكم اي استفسار انا برضو موجوده لعنونكوم (؛