الرغبـات !!

[الجغرافي السعودي]

السلام عليكم ورحمة الله وبركاته
مبارك عليكم الشهر الفضيل
أخواني الأفاضل أنا راح احدد الرغبة الأولى إن شاء الله الرياض وأبغى مساعدتكم في المناطق التعليمية الأقرب للرياض عشان ابغى أحددها تباعا بعد الرياض لأن السنة هذي إن شاء الله تعالى عندي برنامج دكتوراه بالرياض ولازم يكون التعيين إنشاء الله بالرياض أو بالمناطق القريبة منه وأحتاج من الأخوة الأعزاء يعطونا قائمة بالمناطق التعليمية مرتبة حسب الأقرب للرياض عشان إذا ما جاء التعيين بالرياض لا سمح الله يجي قريب منه أنتظر ردودكم الله يجزاكم الجنه في هذا الشهر الفضيل ..

[عاطله..]

السلام عليكم ورحمة الله وبركاته
اخوي عندك الخرج والقويعيه و شقراء و الحوطه والمجمعه

[الجغرافي السعودي]

شكرا أختي عاطله على مرورك وردك الجميل

[الجغرافي السعودي]

لا حول ولا قوة الا بالله العلي العظيم (64 مشاهد) ولا فيه رد واحد >>> الله المستعان

[ابو ريحانة]

شوف ياخوك يالجغرافي من اسمك انت جغرافي ماتعرف وين اقرب المناطق الى بلدك بسيطه ياخي خدلك خريطه تفصيليه تبين لك منطقة الرياض وما حولها ماتبيلها فلسفه زايده ولا انت انسان عيار تتكل على الغير!!!!!!!!!
وسلامتك

[حلا المدينه]

مبارك عليك الشهر وان شاء الله تلاقي مطلبك
- ومافيها شيء لو سألت

- الله يهديك ابو ريحانة
المنتدى كلة للمساعدة مفيها شيء بارك الله فيك
وانت يوم من الايام تبغى اي شخص يساعدك لا تسمية اتكال على الغير ...قول استفسار مشورة ....الخ

[عاطله..]

مرحبا ولا تزعل اخوي هذي محافظات الرياض من موقع امارة الرياض:
محافظة الدرعية
محافظة الخرج
محافظة الدوادمي
محافظة المجمعة
محافظة القويعية
محافظة وادي الدواسر
محافظة الافلاج
محافظة الزلفي
محافظة شقراء
محافظة حوطة تميم
محافظة عفيف
محافظة السليل
محافظة ضرماء
محافظة المزاحمية
محافظة رماح
محافظة ثادق
محافظة حريملاء
محافظة الحريق
محافظة الغاط
انشاالله اكون افدتك

[الجغرافي السعودي]

شكرا أختي عاطله بالفعل أفدتيني

[الجغرافي السعودي]

- الله يهديك ابو ريحانة

المنتدى كلة للمساعدة مفيها شيء بارك الله فيك



وانت يوم من الايام تبغى اي شخص يساعدك لا تسمية اتكال على الغير ...قول استفسار مشورة ....الخ






لا عليك أخي حلا المدينة يبدو أن الأخ ابو ريحانه ضل الطريق عندما أختار هذا المنتدى الجميل الذي يزخر بأعضاءه المتميزين الذين لا يبخلون بأي معلومة قد تنير الطريق لأحد من أبناء المدينة خصوصا والوطن عموما وكذلك مواضيعهم الشيقه التي بالفعل أستفدنا منها كثيرا , عموما هذا الأخ يعرف المنتديات التي تتلائم ورده الذي يعكس اتجاهاته وقيمه , تمنيت لو أحتفظ بهذا الرد الذي أتمنى أن لا أشاهد مثله في منتدانا الرائع ..
شكرا أخي حلا المدينة على رقي أسلوبك