إيش رايكم بمدرسة الأبرار ودار الحكمة ؟؟اللي جربوها لوسمحتوا انصحوني

[الوقت الذهبي]

السلام عليكم ورحمة الله وبركاته

انا تخرجت الترم 1من السنة الماضية وتخصصي لغة انجليزية من جامعة طيبة ..وافكر اخذ شهادة خبرة والصراحة فكرت ادرس في روضة واخذ شهادة خبرة بس ناس قالوا لي ماتفيدك مرة قد ماتفيدك المراحل اللي اكبر منها(صح كلامهم ولالا)؟

المهم انا فكرت في مدرسة الابرار اللي في الشرقية لأنها قريبة من بيتي بس مادري كيف مديرتها؟ومين هي؟وكيف المعلمات ؟وكم عدد الفصول والطالبات كثيراولا؟

وكمان مدرسة الحكمة (وحدة مدحت لي هي بس درست فيها قبل 3 سنين )اللي درست فيها السنة الماضية اوتعرف احد جربها تفيدني..
ومين مديرة الحكمة؟ايش اسمها؟وكيف المعلمات؟وكم عدد الفصول ؟وهل طالباتهم قليل ؟؟


وانصحوني با اللي جربتوه من المدارس ..

وايش حكاية الموجهة اللي تجي في المدرسة ؟(صراحة ماني عارفة شي)وحدة قالت لي قبل 3سنين كانت في الحكمة وجاتها موجهة سيئة للغاية ,بس هذي الموجهة تقيمني زي ايام العملي ولا كيف با الضبط؟وتقيمني على ايش؟ومن وين جاية ؟وكم مرة تجيني ؟وهل هي ممكن تكون نفسها ولا يغيروهم كل سنة ؟

ولوتكون معلوماتكم من فترة قريبة يكون افضل لأنهم لو من فترة طويلة يمكن تغيرت الامور..

والله مرررة محتارة وخايفة شوية لأن هذي أول مرة اشتغل فيها بعد التخرج,واعذروني على كثرة الاسئلة بس كمان الله يعافيكم جاوبوني عليها با التفصيل..


فيدوني الله يسعدكم ويوفقكم ويجزاكم خيـــــر:):)..

انتظركم بأجوبتكم ..

[دلوعة عيالها]

ان شاء الله ربي يوفقك انا خريجة من 3 سنوات لسى ماجربت الوظايف بس انصحك انك تستخيرين لأنك ماتدرين وين ربي كاتبلك الخير وبعدين الآراء تختلف ممكن تلقين وحده عاجبتها المدرسه وحده مو عاجبتها ولاتنسينا من دعائك .....موفقه بإذن الله ... لك مني أجمل تحية .

[سماهر المدينه]

وعليكم السلام ورحمة الله وبركاته
المدارس الخاصه اذا عجبتيهم يمشي الحال انا لي ثلاثه سنوات ولله الحمدلله في مدرسه خاصه و هو صح فيها تعب وحصص توصل 20 او 22 لكن مرتاحه وبالنسبه لمدرسه الابرار حلوه اما مدرسه الحكمه ما نصحكي فيه كثير يشتكوا منها اسلوب الاداره وطالبات لكن في الاخير استخيري
والموجه تجي في السنه مره عادي تحضر تشوف درسك ودفتر التحضير احيانا يكون عندك خبر انه جاي مثلا المديره تقولك واحيانا لا وانتقادها لدرسك عادي بس لازم البنات يحبوكي ويفهموم عليك لاتكون مره شديده كون وسط الانه المدارس الخاصه اهم شيء عندهم راي البنات واي سؤال انا حاضره وربي يوفقك ويكتبلك الخير

[الوقت الذهبي]

تسلمي دلوعة عيالها..

[الوقت الذهبي]

[quote=سماهر المدينه;514613]وعليكم السلام ورحمة الله وبركاته
المدارس الخاصه اذا عجبتيهم يمشي الحال انا لي ثلاثه سنوات ولله الحمدلله في مدرسه خاصه و هو صح فيها تعب وحصص توصل 20 او 22 لكن مرتاحه وبالنسبه لمدرسه الابرار حلوه اما مدرسه الحكمه ما نصحكي فيه كثير يشتكوا منها اسلوب الاداره وطالبات لكن في الاخير استخيري
والموجه تجي في السنه مره عادي تحضر تشوف درسك ودفتر التحضير احيانا يكون عندك خبر انه جاي مثلا المديره تقولك واحيانا لا وانتقادها لدرسك عادي بس لازم البنات يحبوكي ويفهموم عليك لاتكون مره شديده كون وسط الانه المدارس الخاصه اهم شيء عندهم راي البنات واي سؤال انا حاضره وربي يوفقك ويكتبلك الخير..

سماهر المدينة:الله يسعدك ياليت تجاوبيني عشان ودي قبل مااوح اي وحدة من المدرستين اكون ملمة بخلفية بسيطة عنها..

طيب تجربتك لمدرسة الأبرار كانت قريبة ؟اقصد درستي فيها من كم سنة ؟عشان يمكن تكون معلوماتك عنها من فترة طويلة (اكثر من سنة):)
وهل هي اللي في الحرة الشرقية؟
وسمعت انه مديرتها زينات حسوبة ..هل هي نفسها ؟وكيف اسلوبها,شديدة عالطالبات اولا؟

بالنسبة لطالبتها:كيف مستواهم باالانجلش مرة ممتاز ولا زي مستوى طالبات المدارس الحكومية (سؤالي موبس يخص الأبرار يخص المدارس الخاصة عموما من ناحية مستوى الطالبات)؟
فصولهم كثيرة اولا؟

وبالنسبة للحكمة :برضو معلوماتك عنها من كم سنة ؟

أخيرا:الموجهة :هي في الاساس لي تجي؟ ,اقصد تقيمني على اي اساس انا مو في عملي ولي درجات خلاص اعتبر موظفة ,وهل هي تكون من نفس المدرسة ولا من جهة معينة ؟وهل تقييمها سواء كان ايجابي اوسلبي,حيأثر على وظيفتي في المدرسة او على بياناتي في شهادة الخبرة ؟!

كم اعلى عدد للمراحل اللي امسكها؟اقصد انا سمعت انه ممكن ممكن يمسكوني 3 مراحل هل ممكن يمسكوني اكثر اواقل كمان؟؟

اتمنى اتمنى يا سماهر المدينة تفيدني لو عندك معلومات أو أي وحدة لها تجربة تفيدني ..

لأني صراحة أبغى أروح وأنا عارفة إيش ليه وإيش عليه !

والله يسعد ويوفق وسخر للي تفيدني ..

وجزاكم الله 1000خيـــر..

[سماهر المدينه]

بالنسبة للمدرستين انا لادرست فيها ولا توظفت لكن الحكمه من معلمه جاتنا من الحكمه هذه السنه تقول بالقوه جلست سنه علشان اخذ خبره الادره مره موحلوه و والمعلمات كل مجموعه مع بعض تقول ماره مرتاحت فيه حتى طالبات
اما الابرار صديقه لي اختى تقول حلوه اداره وطالباتها واهم شيء تكون الادره حلوه وتحترم المعلمه اما بالنسبه لمستوى الطالبات انا ما ابغى احطمك لكن فعلا المستوى ميح عدد المراحل مو محدد لكن ممكن توصل حصصك الي 24 ممكن تكون نفس المرحله كلها وممكن تعدد مناهج والافضل يكون نفس المنهج حتى لوصل الي 24
اما الموجه في مدارس تجيهم من التوجيه وفيه مدارس تكون موجوده في المدرسه وهذا نادرا وهذا موجود في مدارس الريان اما الباقي من التوجيه
طبعا اذا توظفت في المدرسه اول شيء علشان تعتمد الخبره يرسلو اوراق للتوجيه وتقابلي موجهتكي
وتسالكي اسئله بتخصصك واحيانا اسئله عامه ما تاثر في شيء وتقول انه راح تزورك في المدرسه واحيانا ما تجي
طبعا اذا حضرت و كنت سيئه تكلم المديره واذا المديره شافت مستوكي سيئ والطالبات يشتكوا طبعا تروح عليك الوظيفه
والتقيم من المديره والموجه على 100 درجه و مياثر على شهاده الخبره بس يقول بعدين يفيدك في التعين وعلى حسب المدرسه ولازم تكون نشيطه وتكون عندك اورق عمل تطبيق للدروس للطالبات مثل عمل الموجموعات يعني لازم تثبتي وجودك في المدرسه وطبعا يعطونك رياده وجمعيات بس هذا كله اشياء سهله وربي سهله لكي دعواتك لي واي سؤال اوشيء ما وضحته انا في الخدمه ونسيت اقولك اذا ربي توظفت في اي مدرسه خاصه في البدايه راح يكون ضغط عليك ابدا لاتفكري تتركي المدرسه بعدين تتعودي على التعب لانه مرت فيها

[الوقت الذهبي]

بالنسبة للمدرستين انا لادرست فيها ولا توظفت لكن الحكمه من معلمه جاتنا من الحكمه هذه السنه تقول بالقوه جلست سنه علشان اخذ خبره الادره مره موحلوه و والمعلمات كل مجموعه مع بعض تقول ماره مرتاحت فيه حتى طالبات
اما الابرار صديقه لي اختى تقول حلوه اداره وطالباتها واهم شيء تكون الادره حلوه وتحترم المعلمه اما بالنسبه لمستوى الطالبات انا ما ابغى احطمك لكن فعلا المستوى ميح عدد المراحل مو محدد لكن ممكن توصل حصصك الي 24 ممكن تكون نفس المرحله كلها وممكن تعدد مناهج والافضل يكون نفس المنهج حتى لوصل الي 24
اما الموجه في مدارس تجيهم من التوجيه وفيه مدارس تكون موجوده في المدرسه وهذا نادرا وهذا موجود في مدارس الريان اما الباقي من التوجيه
طبعا اذا توظفت في المدرسه اول شيء علشان تعتمد الخبره يرسلو اوراق للتوجيه وتقابلي موجهتكي
وتسالكي اسئله بتخصصك واحيانا اسئله عامه ما تاثر في شيء وتقول انه راح تزورك في المدرسه واحيانا ما تجي
طبعا اذا حضرت و كنت سيئه تكلم المديره واذا المديره شافت مستوكي سيئ والطالبات يشتكوا طبعا تروح عليك الوظيفه
والتقيم من المديره والموجه على 100 درجه و مياثر على شهاده الخبره بس يقول بعدين يفيدك في التعين وعلى حسب المدرسه ولازم تكون نشيطه وتكون عندك اورق عمل تطبيق للدروس للطالبات مثل عمل الموجموعات يعني لازم تثبتي وجودك في المدرسه وطبعا يعطونك رياده وجمعيات بس هذا كله اشياء سهله وربي سهله لكي دعواتك لي واي سؤال اوشيء ما وضحته انا في الخدمه ونسيت اقولك اذا ربي توظفت في اي مدرسه خاصه في البدايه راح يكون ضغط عليك ابدا لاتفكري تتركي المدرسه بعدين تتعودي على التعب لانه مرت فيها

الله يسعدك يااارب..
حتعبك معاية شوية بأسئلتي..
شكلي بفكر أقدم في الأبرار بالذات انها مرة قريبة مني.. بس المشكلةاللي رددني فيها انه وحدة قالت لي عالسنة هذي اللي راحت قدمت فيها وسحبت تقول أبلاتها (مومرة كويسين) فقلت اتاكد يمكن كانت جلستهم في المدرسة مؤقته ويجوا غيرهم على وقتي ..
فاللي مدحت لك الأبرار اي سنة درست فيها ؟..
ومديرتها زينات حسوبة كويسة ؟انا الصراحة تهمني المديرة قبل المعلمات احس هي الاساس في المدرسة ..

مادري عندك خلفية بعدد فصول المدرسة وعدد الطالبات ومستواهم با لانجلش؟

نقطة اخيرة:-

من تجربتك للمدارس الخاصة ,ايش تنصحيني بمدارس ادرس فيها ؟وياليت تعطيني ايجابياتها وسلبياتها!

والله يوفقك ويسخرلك أفدتيني صراحة ..

انتظر اجاباتك:)

[سماهر المدينه]

ويسعدك ربي شوفي قدمي على كل المدراس ماعد انوار الفيحاء ودار الايمان عنا صحباتي مره مره لا تفكري فيها والصفوه همهم البنات و مايفكروا فيك ابدا عنك مدرسه امنارات حلوه وراتبها حلوه بس مشكله الحصص كثيره
الريان حلوه اذا كنت ممتازه ودروسهم عن طريق االبوربوينت والمعتز حلوه والخندق الابتدايئه حلوه ودررالمدينه حلوه ثانوي فقط والشاوي حلوه بس الحصص كثيره المناهل رواتب حلوه على حسبب حصصك تكون راتبك بس ان شاءالله يطبقوا القرار انه تكون الرواتب 5000 والفصحى لازم لغه عربية رواتب 3000 لانهم مشتركين في الموارد وعمموم اذا كنت جديده في في المدرسه في البدايه ماراح تترتاحي كثير بس لما هما يتعودوا عليك وتتعرف على المعلمات تترتاحي وانت قدمي على كل المدارس حتى لو كانت بعيده واذا جاتك استخيري ولو احتجتي شيء انا مازلت موجوده

[صمت طويل]

طيب ممكن مواقع المدارس
الله يسعدكم اللي تعرف تكتبها
اعرف دار الحكمه وفعلا المعلمات مجموعات مجموعات
اما غيره عادي

[الوقت الذهبي]

جزاك الله ألف خير يا سماهر المدينة ان شا ءالله حقدم والله يكتب اللي فيه خير..

صراحة ماقصرتي
:)

[الوقت الذهبي]

طيب مدرسة الفصحى قصدك مايقبلوا غير تخصص لغة عربية ؟؟

[ميلاد 11]

بشروا بنات من طلع اسمها بالخدعة المدنية؟؟؟؟؟؟؟؟؟؟؟؟؟؟
ماتدرون الدفعات الجاية بتكون بديلات ومتعاقدات او فية امل نتوظف لاني قريت خبر صدمني
انة الدفعة هذي كلها اللي المفروض يثبتونهم يعني يضحكون علينا

صحيفة الطائف:

لم تفي وزارة الخدمة المدنية بوعدها حينما أفادت سابقاً بأن الوظائف التعليمية ستكون لغير المتعاقدات ومن هن على رأس العمل,
فاتضح من خلال ماأعلنته الوزارة دفعةً أولى من أسماء المرشحات (5700مرشحة) شمولها للمتعاقدات المشمولات بالتثبيت.
وذلك طبقاً لماأفادتنا به بعضاً من مكاتب الوزارة,وقد أصابنا الذهول أكثر حينما أفادنا المكتب بأن الدفعات القادمة من أسماء
المرشحات سوف تنحصر في دفعة واحدة وتشمل 4000 مرشحة مبرراً أن ذلك ماوصل لهم من إحتياج من قبل وزارة التربية والتعليم وهو 9 الآف وظيفة لهذا العام فقط
الجدير بالذكر:أنه في تاريخ1432/3/20ه صدر الملكي رقم(أ/29) والذي شمل توفير 52000وظيفة لوزارة التربية والتعليم
,منها 39000وظيفة تخص المتقدمات للوظائف التعليمية.
فيما قد صدر في وقتٍ سابق الأمر الملكي المختص بتثبيت كافة المواطنين والمواطنات المعينين على بنود.
فهل يعقل أن يتم الخلط بين أمرين ملكيين ,كلاً منهما على حدة ياوزارتنا!!
أم هل يعقل أن يكون ذلك سوء تنسيق بين وزارة التربية والتعليم ووزارة الخدمة المدنية في دخول البديلات المتعاقدات في المفاضلة التعليمية
وهن غير مستحقات لذلك,لشمولهن في التثبيت مما سيتسبب في ضياع فرصة التعيين على الخريجآت المتقدمات على
الوظائف التعليمية!!!
نحن لانريد عاماً جديداً من البؤس فيكفي مامضى..
نحن من هنا نرفع أصواتنا لمليكنا الغالي "نحن بناتك ياسيدي نناشدك بقلبك الرحيم فأنت من لنا بعد الله في إحتوائنا وحل مشكلتنا
ومحاسبة المقصرين."

إمضاء: خريجات من المملكة العربية السعودية


المصدر: صحيفة الطائف

[الوقت الذهبي]

لو حطيتي ردك في موضوع جديد أفضل ,عشان تلاقي ردود أكثر أما كذا ما أعتقد حيشوفوا كلامك في هذا الرد..

الله يسهل دربك :)

[moonface2010]

ويسعدك ربي شوفي قدمي على كل المدراس ماعد انوار الفيحاء ودار الايمان عنا صحباتي مره مره لا تفكري فيها والصفوه همهم البنات و مايفكروا فيك ابدا عنك مدرسه امنارات حلوه وراتبها حلوه بس مشكله الحصص كثيره
الريان حلوه اذا كنت ممتازه ودروسهم عن طريق االبوربوينت والمعتز حلوه والخندق الابتدايئه حلوه ودررالمدينه حلوه ثانوي فقط والشاوي حلوه بس الحصص كثيره المناهل رواتب حلوه على حسبب حصصك تكون راتبك بس ان شاءالله يطبقوا القرار انه تكون الرواتب 5000 والفصحى لازم لغه عربية رواتب 3000 لانهم مشتركين في الموارد وعمموم اذا كنت جديده في في المدرسه في البدايه ماراح تترتاحي كثير بس لما هما يتعودوا عليك وتتعرف على المعلمات تترتاحي وانت قدمي على كل المدارس حتى لو كانت بعيده واذا جاتك استخيري ولو احتجتي شيء انا مازلت موجوده

الله يسعدك "سماهر المدينة" لو تقوليلنا رواتب المدارس بصراحة ابغى اقدم ومستعدة للكرف
بس يكون الراتب معقول 1500 فما فوق سؤالي لك:
كم راتب مدارس الريان، المنارات، المناهل، الابرار؟ وفين مواقعهم (ف أي حي؟)؟
وجزاك الله خيرا

[سماهر المدينه]

ان شاء الله ينفذوا قرار الملك بخصوص الرواتب وتكون 5000 والمدارس للي سئلتي رواتبها حلوه 1500 كحد اقل

[ام نواف وبس]

والله المدارس الخاصة كلها قرف وكرف بكرف هذا غير قلت الاحترام
ولا تقولوا حسب شخصيت المعلمة
أذا تبي تدرسي بمدرسة خاصة حطي الشخصية عند الباب قبل تدخلي
هذا الكلام بحكم خبراتي المتنقلة في أغلب المدارس الخاصة
ونصيحة لا تقربوا على مدارس الحكمة ترى جدا جدا سيئة

[الوقت الذهبي]

والله انالسه ماجربت المدارس الخاصة ولاجربت اي عمل بس قلت اخذ خبرة بدال قعدة البيت ومنها اخذ خبرة تفيدني في مفاضلة الديوان ..
الله يستروبس بدات اتخوف والله :(
وتسلمي على رايك في الحكمة حطيتها فوقها اكس مافي احد مدحها من اللي جربوها قريب

[عادل الغانم]

موفق بإذن الله ... لك مني أجمل تحية .

[لورنا]

انا ادرس بالابرار المديره شششششششديده مع البنات و يخافو منهم كمان هع
يعني الاداره قويه

وو

[مملكتي الصغيـرة]

نصيحه من مجربه مدارس الابرار مافي لا درجت ولا شيء كل شيء جهوود ذاتيه من الطالبه فقط
مافي مساعدات آوراق ومراجعات كل شيء داخل بالاختبارات من الجلده للجلده
الزبده كآنها مدرسه حكوووووميه

حسفه فلووس

[ام مجودة الحلوة]

السلام عليكم
بناآت كيف المقابلة الشخصيه>لاني بالمره شاآيله هم المقابله :(
وايش رايكم في مدرسة الرياآن الاهليه
وايش المراحل اللي فيهاآ
وكيف الادراة المعلماآت والطالباآت
وفين مكاآنهاآ
والله يوفق اللي ترد علياآ <3