ياللي حضورك فيه ميزه عـن النـاس

[خـــالد الســـالم]

في حضرتك كنـي مدينـه بهـا نـاس
وفـي غيبتـك كنـي بلـيـا مديـنـه

حلم الوصال أشعل على الشاطي احساس
وريح الحضــــــــــــــور أزكى مـن الياسمينـه

يوم الفراق أقسى مـن الهـم واليـاس
حـزنٍ يكابـدنـي ليـالـي سنيـنـه

قربـك يسلينـي بـلا حـد وأقـيـاس
وبعـدك يزلزنـي بوقـتـه وحيـنـه

شربت بحر الشوق كاس علـى كـاس
وأشعلـت مابيـن الضلـوع المتيـنـه

وثارت لك الاشواق بالشعـر هوجـاس
أرسـم لآمـالـي معـانـي ثميـنـه

أحيـان ياتينـي للأفـراح نسـنـاس
وأحيان أبـات الليـل روحـي حزينه



بيت الغلا باني جـداره علـى سـاس
بالعـز والاخـلاص مـاهـو بطيـنـه



وباب الأمل مفتوح من غيـر حـراس
وبـدر الدجـى نـوّر دروبـي جبينـه

كان البحر يعلـو علـى كـل غطـاس
الريـح مـا تعكـس مسـار السفينـه

هذي حقائق واقعـي صـوت وانفـاس
أظهرتهـا مـن بعـد كانـت دفيـنـه

وأسمعتها حـيٍ علـى كـل الأجنـاس
مـوت القهـر مـن لا تُجمّـل يمينـه

ياللي حضورك فيه ميزه عـن النـاس
مدينـةٍ تسـعـد وتشـقـى مديـنـه

[منى الحازمي]

الله يعطيك العافيه
وماننحرم .. دمت برقي طروحاتك

[خـــالد الســـالم]

منى الحازمي

الله يعافيك ويحفظك كل ذوق مشرفتنا

[بـريـق الأمـل]

يعطيك العافيه ع الطرح الرااااقي
بارك الله فيك ..

[خـــالد الســـالم]

قطـــرة نـــدى


تسلمين بارك الله فيك من ذوقك مشرفتنا

يعطيك الف عافية

شاكر لك