عبارات عن الصبر واليأس

[غروب حزينه]

العمر واحد والشقاوي متاهات
شي تبيه النفس وشي تعوفه

والخير لاوصّل جميع العلاقات
مايقدر الانسان يرمي حتوفه

لاصار قالوا في جميل العبارات
كل اللذي متكوب عينك تشوفه

يانفس ياللي راضيه كل الاوقات
وش يمنعك يانفس بأنك شغوفه

أقرب مسافه ثم تجيني مسافات
كني أعيش اليوم وقت أطوفه

يمضي عليّ الليل كله باااهااات
اااه على حزن واااه تروفه

مدري يعيد الوقت تصوير الابيات
أكتب حروفه ثم تلاشى حروفه

بين الالم والخوف كلمه ونظرات
بين الصبر والياس لحظه رهوفه

يامن لقى حسن نمى في ملذات
عايش سنيه في محبة هنوفه

ويامن لقى بالحب تقليد عادات
وعروق فكره كلها من حلوفه

ويامن وصل بالشوق ساعه وساعات
ويامن قطع بالشوق دمعه رفوفه

ويامن سرى بالليل في صمت وسكات
ويامن صدح بالليل يضرب دفوفه

ويامن نوى يصدر علينا الاشاعات
كل ماسألته هز لك في كتوفه

ويامن صدر أقسى كلام الاهانات
يطعن بها كل ماتعالت سيوفه

ويامن يجيب الحب في خذ او هاااات
كل ماطرى يشهق معاليق جوفه

واللي يخز بعين قله سلامات
نظرتك هذي ماتوقف صروفه

مايستحيل ا لعلم لوفيه أنصات
تحفظ كتاب الله أذا فيك خوفه

ندري عن اللي يعتلي بالمقامات
وندري عن اللي كاملات وصوفه

يالله ياللي لك علينا العبادات
يامعطي الانسان رحمه عطوفه

أرجوك ترحم حالتي والمعاناة
وتغفر لعبد مانساك بوقوفه

وختامها نور الهدى والتحيات
على نبي نرتوي من كفوفه