قصيدة والد خريج عاطل رائعة

[مديني حر]

قصيدة نظمها الوالد عن العطالة.....

اتمنى ان تحوز على رضاكم



يا الله عساها يا صديقي سَهاله = وطالبك بالتيسير يا ساتر الحال

فكري مناسبني ولا أرضى بداله = ماقط شفته بالمواقيف ملاّل

أعيش جِدِّه واستجيب لهزاله = وابكي معه واضحك على حسب الإرسال

واليوم باغتني بذكر البطالة = ولاحظت أنا في نَشرته بعض الإشكال

وكنت أتصور (زوبعة في بياله!) = مير الصّوَر يا فلان ما تعجب البال

صورة فتى ماشي ومرخي عقاله = ويمنّي النفس الشقية بالآمــال

وصورة فتى ..كِرهوه عمّه وخاله = راحت صداقتهم لمن جمّع المال

وصورة فتى {يشحذ من أمه رياله} = وهي تصدّه " روح" ما عندي ريال

واقفا معصِّـب مع دروب الضلالة = بعد الدروب أضحت شبابيك وأقفال

وصورة فتاه بحظ قطّع وصاله = تشابَهت في عينها أيام وليال

وهي عَطت للعلم وأوفت مجاله = وعانت شديد البرد مع لاهب اللال

تبحث عن أخت شاركتها الزمالة = وتخجَل وهي تطلب بطاقات جوّال

الدهر عاندهم وشدّد حباله = وأخذتهم الأمواج من جال في جال

واليوم يا فكري تراني هَلاله = لو زِدت تزعجني باجازيك بإهمال