لا تشتكي حالك على كل من جاك

[ظل القمر]

إليكم هذة القصيدة الناصحة أعجبتني وأتمنى ان تحوز على رضاكم


لا تشتكي حالك على كل من جاك
بعض البشر يفرح الى قلت مهموم

يخفي سمومه بين همك وشكـواك
يشمت بحالك والحصيله شقا ولوم

واحذر من اللي ينقل الهرج لعداك
يظهر لك الطيب وهو منه معـدوم

قلبه مريض ويخلط السم بـدواك
يعرض عليك الرأي والرأي مسموم

وابعد عن اللي يستغلك الى جـاك
تلقاه دايم بين الأخيار مذمـوم

احسب حسابك في كلامك ومعناك
وسط المجالس كل ما ادليت بعلوم

خل سمعك اكثر من كلامك وفتواك
تلقى القدر يمك من الناس ملـزوم

ولا تذكر افعالك بما تجود يمنـاك
عنك الولي يدري ولك الخير مقسوم

وخلك مع اللي يشتكي لك وينخاك
بك ينتخي من ضيم الأيام وهموم

خذها وصايا تسعـدك دوم دنيـاك
واحفظ معانيها تحفظك من اللـوم


منقولة للمتعة والفائدة

[عاطل]

أه أه

قصـيده احسها انكتبت عشاني

جداً رائعه

وصح لسان قايلها

[الزاوية]

جداً رائعه

[نزف القلم]

بارك الله في الناقل والكاتب