تولعت بـك

[ابوعماد]

تولعت بـك والله كتـب لـي علـى فرقـاك
حسبي على الحظ الردي كانـه أشقانـي

أنا ما شعرت أني مع الناس قبل ألقاك
ولا ذقــت للـدنـيـا طـعــم قـبــل تلـقـانـي

ولا كنت أحس بلوعة الحب قبل أهواك
ولولا عيونـك مـا كتبـت أجمـل ألحانـي

سـقـا الله لـيـال خـالـده عشتـهـا وايــاك
بـدرب الحويـة بيـن عـشـب وغـدرانـي

تذكرت يوم أقبلـت كنـك تحسـب خطـاك
تمـايـل بـعــود نـايــف الـطــول ريـانــي

وترفع طرف ملبوسـك الضيـق بيمنـاك
وشـلال شعـرك تنثـره فــوق الامتـانـي

ترى اللي يسليني عن مشاهـك ذكـراك
أنا مستحيل أنساك أخاف إنـت تنسانـي

مع احلى تحياتي

[شوق الغلا]

بجد كلمات راااااااااائعه

شكراً لك

[منى الحازمي]

يعطيك العافية ابوعماد
قصيدة رااااااااااائعة

[ابوعماد]

شوق الغلا

الله يحفظك شكراً لك

[ابوعماد]

منى الحازمي

الله يحفظك شكراً لك