يوم مبسوط ويوم زعلان ومكشر

[اميرة بكلامي]

ياهلا ومسهلاhttp://vb.eqla3.com/images/smilies/004.gif

يالله إنك تحييهم
:cocktail::cocktail:اعذروني ماعندي قهوه عندي عصيييييير :cake::cake:

وشلونكم..طيبين..الحمدلله

صراحه مالي بالمقدمات عشان كذا بخش بالموضوع على طول :

نبدأ بسم الله
0
0
0
0
(ريم)جالسه بوسط البنات وسواليف وضحك وتنكيت وسعة صدر يعني بالعربي فالته ومروقه
فجأه يوم دخلت (عبير) وتبدأ (ريم) تحلطم وتبلطم وتعوبط بخشته
وأمه وخواته اللي تنغزه واللي تغمز له واللي تساسره:وش جاتس بسم الله تقولين شامتن لتس جيفه
و(ريم) ولا معبرتهم ولو مهوب أن السلام لله كان يمكن ماسلمت عليه بعدhttp://vb.eqla3.com/images/smilies/139.gif


بعد فتره


(ريم) جالسه بوسط البنات وسواليف وضحك والخ....
فجأه دخلت (عبير) وتبدأ (ريم) تبوسم وتضوحك لا ويوم سلمت على (عبير):
هلا والله وينتس مبطين عنتس والله لتس وحشه يالشينه
وأمه وخواته طايرتن عيونهنhttp://vb.eqla3.com/images/smilies/eek.gif
وتلزق به حداهن وهي فاقتن خشته:وش الطاري وش عدا مابدا
ريم:يابنت الحلال وش حنا ماخذين من هالدنيا إنسي بسhttp://vb.eqla3.com/images/smilies/119.gif


بعد فتره

(ريم) جالسه ويتكرر نفس السيناريو الأول لاحظوا ألاول مهوب الثاني
وتنغزه أخته:وش بلاتس أنتي كل يوم لتس مزاجhttp://vb.eqla3.com/images/smilies/007.gif
ريم:الله يقبحه فطنت لذاك اليوم يوم أنه تغثنhttp://vb.eqla3.com/images/smilies/139.gif

كذالك مع احمد وخالد ومع سعود ومحماس



...................



طبعا ياكثرررررررر اللي تعرضوا لمثل هالموقف<<ترا ماقلت كلنا http://vb.eqla3.com/images/smilies/007.gif

ولاتقعدون تقولون لي هالتصرف مايطلع الا من شخصيات مزاجيه ومدري وشو
لا يابعدي شفنا من هالنوعيه واجد وكل وحده منهن شخصيته شكل

حتى أنا يامحدثتكم كد سويت مثل هالحركهhttp://vb.eqla3.com/images/smilies/139.gif
مع أني وش حليل شخصيتي بعد اللهم أن عيبي إني حساسه وعصبيه وعنيده وحقينه وزعول http://vb.eqla3.com/images/smilies/Looking_anim.gif<<احلف بقوه عشاااااااان تصدقووووووون:m0418:

لا عاد أمزح معكم
صدق إني سويت هالحركه بس عاد شخصيتي عاديه ومنب من النوع المزاجي ابد
وبعد شفت هالحركه كثير من بنات وعيااال

عاد أنتم وش رايكم؟؟
وهل قد صار لكم أو سويتوا مثل هالحركه؟؟
وتتوقعون هالشي كاثر هاليومين من وشو؟؟
ووش الحل مع حالات صغر العقل اللي تطري علينا بين فتره وفتره؟؟

وبس

الحين ورونا وش تبي تسطر لنا أناملكم المبدعه :flex:

وبعد

وشسموه

ايه صح قيمونhttp://vb.eqla3.com/images/smilies/060.gif

يالله عاد انطلقوا يارعاكم الله
:234::234::234:

[رمال المدينه]

هههههههههههههههههههههه
اي والله تصير معي داايمن واقلب بس اعرف السبب

لانوو الحين احناا خااشين في ضحك ونااسه وكذذاا تجي البنت ذي تخش وعاارفه البنت رااعيت نكد
وضيقت خلق عشاان كذاا اقلب

والمره الثاانيه عشاان اكيد البنت دخلت وهي مروقه ومرااح تخرب عليناا جلستنا واحياان يكوون اني كاارهالبنت ذي واحسهاا مي رااعيبت جلسات وضحك بس تجلس طاالع ودوور عيووب النااس في السااعه تسماان انا اقلب

ويعطيكي الف عاافيه

[الاحساس 2]

أميرة بكلامي ~

يسلموو ع الموضوع الرائع ~

(( بس تصدقي دايما تحصل ايوة والله ما عمري لاحظت بس دوبك انتي نبهتيني ))

بالذاات اذا كانت جمعة بناات كثير وهرجة وضحك و نكون فالينها وتجيك هذيك البنت اللي تعكر المزاج وتقلبه وكل الهرجه لها ما تعطي فرصة لاحد يهرج كل اللي في من البنات يتعكر مزاجهم كل ما اتكلمت وحدة عن موقف قاطعتها وقالت ايوة والله ذكرتيني وتبدأ هي بالهرج والبنت اللي دوبها بتهرج مسكينة ولا كملت هرجتها وموااااقف كثير ....
بس هذا اقرب موقف صارلي ..,’ ))

الله يعطيك العافيهـ يارب ..,’

[اميرة بكلامي]

اسعدني توااجدكم الرائع والكلمات الصادقه النابعه من اناملكم

[ريم محمد بابكر]

موفق بإذن الله ... لك مني أجمل تحية .

[اميرة بكلامي]

اسعدني تواجدكم الاكثر من رااائع

[فائزة محمد علي مسعود]

http://photos.azyya.com/store/up2/081129000457y3vF.jpg (http://photos.azyya.com/store/up2/081129000457y3vF.jpg)

[خالد الشدوي]

موفقين

والتذكير شيء جميل

[JOooOJOooO]

شـكــ وبارك الله فيك ـــرا لك ...
موفق بإذن الله ... لك مني أجمل تحية .