من تبغى تتوظف (رجاء الي يدخل يرد)

[عاديات المزون]

بسم الله الرحمن الرحيم
السلام عليكم ورحمة الله وبركاته
اخواتي قرات موضوع لاحدى الاخوات في منتدى وزارة التربية والتعليم وهو التدريس الخصوصي
وارباحة العالية بصراحة عجبتني الفكرة وونزلت موضوع في احدى المنتديات اني مدرسة خصوصية وكانت الردود غير متوقعة طلبات بالهبل كيف لو كتبتها وعلقتها في المحلات بس للاسف تجري الرياح بما لا تشتهي السفن صارعندي ظروف منعتني
المهم الاجانب مواحسن منا والله ياكلوا الشهد من وراء عيالنا الاولى احنا الخريجات العاطلات
وماعليكي من الي حوليك المهم اعقليها وتوكلي من السنة الجاية راح ابدء ان شاء الرحمن
والله لو عجبتني الشغلة اني ماعاد اقدم ع الديوان عمري راح وانا استنا
يالله ياحلوات وروني ردودكم

[واقعيه]

صباح الورد ...... مساء الورد.......

شي حلو انك فكرتي كذا وعلى قولك الاجانب ماهم احسن منا في شي بس احنا تعودنا خلاص كل شي نستناه من الحكومه يبغى لنا بس نشغل عقولنا شوي ونكون احسن من غيرنا بمليون مره

خليك على فكرتك والله يوفقك


والى الامااااااااااااام ياعاطلااااااااااااات

[ابومودة]

بصراحة اهل البلد اولى

شدوا حيلكم وتوكلوا على الله

[umlyan]

احسها صعبة شوي ما ادري .. لكن الله يوفقك

[عتيبيه]

السلام عليكم


والله فكره مره حلووووه بس ابي اقولك شي مهم ..

اكثر الي يبون تدريس خصوصي تقولك انتي تعالي عندي بالبيت واحس هالشي صعب شووي

لاننا بندخل بيوت واحنا ماندري عن اهلها واهلنا بيخافون علينا من هالناحيه ..

نقطه ثانيه . اعتقد ان المجتمع عندنا الى الان مو مقتنعين بتدريس السعوديات يعني

اقلها بتقولك سعوديه وخريجه لالالالا ابي مصريه ولا سوريه ولا سودانيه المهم اجنبيه

على ان الاجنبيات اكثرهم مايملكون شهادات جامعيه مثلنا بس بالحظ كذا .

هذي النقطتين هي الي محطمتني بس ولا ايش رايكم بنات ! مو هذا الي صاير ؟

تسلمين حبيبتي موضوع رائع وطرح راقي ضروري نتناقش فيه ..

[ام عساف]

طرح اكثر من رائع وبالعكس الفكرة رائعة جدا ومربحة
بس مااحد يقتنع فيها من اللي حوللك
يعني شوي صعبة

[روابي الحجاز]

انا طبعا كنت ادرس اللي حولي عيال خواني واقاربي وبنات الجيران بلوشي:000:
ماكنت افكر اني اخذ مقابل بعدين فكرت فيها هم ياخذوا من وقتي ووقت بيتي واطفالي ليش مااخذ مقابل وقلت لقريباتي قولوا لصحبااااتكم بالمدرسة واجبات ومذاكرة اي شي لكن الكل انسحب وماصار احد يجيني اذاكرلة ( مع اني ولله الحمدلله امينة جدا وفاهمة المنهج تمام التمام)
مالنا حظ مادري
بس الله كريم..........

[عاديات المزون]

شوفوا انا طرحت الفكرة وتم الرفض من البعض والبعض قام يتريق والبعض سكت (زوجي) بس انا ميهمني احد لان معروف اي فكرة جديدة ع المجتمع بتكون مرفوضة بنسبة لي مايهمني الفكرة براسي وراح اسويها بشكل جدي من السنة الجاية يكون وضعي احسن ان شاء الله واكيد ماروح للبيوت في بعض الناس تتقبل
اكتبو ورقة وحطوها في المحلات القريبة في الحي عاد هذا يرفض وهذا يوافق محنا خسرانين شي نجرب

[بنت الحجاز111]

والله هي فكره حلوه وعني انا كنت اودي بنتي معلمه سعوديه ومن بنت القبايل بعد بس في البدايه رحت مع بنتي عشان خفت عليها طفله وما ادري عن الناس الي موديه بنتي عندهم كيف -وانا مره اخاف من اختلاط البنات بالاولاد- لكن والله الحمد لله رحت مع بنتي كم يوم لما عرفت ام البنت الي راح ادرس بنتي وشفت الأم وتكلمت معاها -وامنتهم على بنتي وطلعوا قد الأمانه
بس اختي عاديات ترى في البدايه تلاقي صعوبه بس بعدين تتعودي وربي يوفقك

[هنهونه]

أنا لي فتره أفكر فيها واللي حولي شجعوني بس ماني عارفه من وين أبدأ
ومتى أبدأ أستقبل مثلا قبل الإختبارات أو من أول السنه والأسعار ماعندي خبره فيها أبدا

[عاديات المزون]

والله انا سويت دراسة للموضوع وسالت بكم يدرسو عيالهم طبعا الي حولي بعض المدرسات تاخذ بالساعة 100
للمنهج الواحد او150 وبعضهم بشهر 200 او 300 طبعا مناهج الابتدائية وبعضهم تمسك المناهج كلها الشهر 500

[ccoo]

[COLOR="DarkGreen"]بصراحه الفكره مره روعه وانا من زمان أفكر فيها من قبل ما أتخرج بس الي يمنعني اكيد أهلي من ناحية اني ما أروح لهم في بيوتهم ولا عندنا مكان يسمح اني أجيبهم فيه
لكن الفكرة مررره رائعة وأتوقع انها تدخل أكثر من راتب الوظيفة في المدارس الخاصه /COLOR]

[زهره الاوركيد]

سبحان الله يمكن مافي ثقه لان
الناس في فكره عالقه بذهونهم ان الاجانب يفهمون الاطفال لاني الناس اللي بمحيطي يدورون الاجانب واذا قلنا فيه سعودي او سعوديه يقولون لا مايفهمون
والله اعلم

[ادور حظى مالقيته]

بسم الله الرحمن الرحيم
السلام عليكم ورحمة الله وبركاته
اخواتي قرات موضوع لاحدى الاخوات في منتدى وزارة التربية والتعليم وهو التدريس الخصوصي
وارباحة العالية بصراحة عجبتني الفكرة وونزلت موضوع في احدى المنتديات اني مدرسة خصوصية وكانت الردود غير متوقعة طلبات بالهبل كيف لو كتبتها وعلقتها في المحلات بس للاسف تجري الرياح بما لا تشتهي السفن صارعندي ظروف منعتني
المهم الاجانب مواحسن منا والله ياكلوا الشهد من وراء عيالنا الاولى احنا الخريجات العاطلات
وماعليكي من الي حوليك المهم اعقليها وتوكلي من السنة الجاية راح ابدء ان شاء الرحمن
والله لو عجبتني الشغلة اني ماعاد اقدم ع الديوان عمري راح وانا استنا
يالله ياحلوات وروني ردودكم


الفكر ه حلوه ولكن الواقع يحكى غير كذا
جربي سعوديه مااحد وان جا درس وخلص وما دفع
اقولك عن تجربه اختى درست فى البيت خصوصى
طبعا بالي تقدر عليه انجليزى ......الخ
النتيجه بنت عقله مو براسها لان الطالب الفاشل يشوه سمعت المعلم
لكن اختى طلبت من امه صلاحيات وافقت الام
نجحت البنت بتقدير ممتاز لكن اختى حرمت انه تدرس مره ثانيه
واعتذر العام المقبل وجات امه قالت اختى انا مشتريه راحتى
لان اختى تبغى تحلل القرش :spiteful: هههه كككك جربىي والله تبكين دم

[Amalina]

أنا لي فتره أفكر فيها واللي حولي شجعوني بس ماني عارفه من وين أبدأ
ومتى أبدأ أستقبل مثلا قبل الإختبارات أو من أول السنه والأسعار ماعندي خبره فيها أبدا



:thumbup:الفكرة والله أكثر من ممتازة يا عاديات المزون فقط يبغالها تهيئة الظروف لتطبيقها :thumbup:

وأنت يا هنهونه إذا كنت بتبدئين من أول السنة بتكونين في راااااحة بدون ضغط والدروس على مهلك
لكن المصيبة إللي يجيك قبل الإختبارات تعطينه المنهج كاااامل <<< ( طبعا مؤكد هذا تسعيرته الضعف أو 3 أضعاف السعر العادي حق راحتك وتعبك )
وإذا أنت بحول الله ناوية ( سواء كذا وإلا كذا ) لاااازم تحطين أسعار للحالتين عشان إذا جاك واحد قبل الإختبارات يقول وش هذي الأسعار ؟!<< ( قائمة ورقية بالأسعار ).

تورينه على طووووول قائمة بأسعار الأيام العادية وأن هذه الأسعار حق التعب والوقت المضاعف
ولا تنسين أنه يفضل ( في رأيي طبعا ) أن تكون الأسعار بالساعة .

:sahm: وأهممممممممممممممم شيء ( تكونين واثقة في طرح أسعارك مو يجي أحد يناقشك في السعر تغيرينه ... حسسيهم إنهم إذا رفضوا التعامل معاك إنهم هم الخسرانين مهو أنت ) <<<< بفضل الله وحده..... أنا مجربة وخذوا كلمتي .

أنا ما اشتغلت في التدريس الخصوصي بحكم المكان إللي أعيش فيه لكن كنت أعمل التحاضير للمعلمات في مدارس القرية ( ما شاء الله كنت بحول الله وفضله أضبّط للوحده التحضير على كيف كيفها ،وكنت أستلم منها مبلغ مقدم ( لزوم حبر الطابعة والورق ومتعلقات التغليف ... ألخ ) + قرص التحضير إللي تحضيره في الأصل زفت وتطلب مني قائمة طوييييييييلة بالإضافات إللي تبغاها وإللي تبغاه ينحذف وتعديلات بالهبل ....

بعد أسبوعين تقريبا أو على حسب 3 أسابيع ، تستلم تحضيرها بفضل الله أحسن ما يكون ...... الشغلة متعبة لكن بحول الله قدرت عليها كنت أجلس تقريبا 10 ساعات يوميا :k055: طوال الفترة أضيف .. أعدل.. أحذف.. أتأكد من كل ورقة أنها تنطبع كاملة بجميع أطرافها .....ألخ .
في الأخير يصفى لي تقريبا 600 ريال من غير التكاليف << على حسب عدد المواد
ألحين أغلب المعلمات إللي صلّحت لهم تحاضيرهم ... يتصلون علي عشان شغلات خفيفة ( أوراق عمل ، تحضير لدرس نموذجي ، مطويات ....وعمل مجسمات ..ألخ ) والله سبحانه أعطاني له الحمد والشكر وله الفضل والمنة .

لكن الحمد لله زي ما قلت لكم المكان إللي أعيش فيه ما يسعفني ألقى معلمات كثير ( يعني مرة مرتين بالكثير في السنة ) .............. أسأل الله أن يؤتينا من واسع فضله .:f63:


شاركتكم تجربتي في كسب رزقي من البيت .... أيش رايكم ؟ يعني إللي متخوفة من التدريس في شغلات ثانية لها علاقة بشهاداتنا .


أسأل الله العظيم الحليم الرحمن الرحيم الفرد الصمد القوي العزيز القادر ... أن تسخر لنا جميع السبل لنتمكن من مبتغانا ........... اللهم آمين .:f63:

[يغار القمر مني]

مشكورررره والله فكررره روووعه

[$دانه$]

فكره رائعهـ ...
يعافيكم ربي ....

[عماد الحربي]

http://www.alqaly.com/vb/mwaextraedit4/extra/21.gif (http://www.alqaly.com/vb/t19406.html)

[منوووونه]

والله فكرت فيها حتى اخواتي قالولي راح تربحي اكتر من المدارس الخاصة ينبح صوتك وينهد جسمك وفالنهاية الف وشويه
اما هادا لا انتي فبيتك ومرتاحة وتجيك قروش مره وناسة
انا اللي رفض زوجي يقولي فين نحطهم مالهم مكان الا المجلس هو للضيوف ولا للبنات داخلين وخارجين
وللا انا مره نفسي فذا الشي
الله يرزقني وياكم

[سيدة القصر]

فكره رااائعة بالتوفيق يارب

[مندوب موبايلي]

الله يوفقكم جميعا انا زوجتي لها 8 سنوات واخذت دوره icdl وننتضر الرزق من الله
بس ماادري يشملهم الي يدرسون خصوصي بدل النقل هههههههههههه واتمنى ان الكل يتوفق في اي مجال المشكله لو كل واحد او وحده ان يكمل علمه من بعد التخرج كان الان الحال احسن من المحال :d035:

[كيمياء حيوي]

ماشاء الله بنت جيراني خريجة ثانوي وتدريس روضة في مدراسة اهليية والعصر روضة تحفيظ وتدرس خصوصي المنهج 300والخميس والجمعة منهج في يوم وواحد 50 ريال وماشاء الله جمعت 50 الف شوفوا الاصرار وانا كيمياء مكانك سر تخاصمني تقول لوجلستي كذا بتقعدين طول عمرك مارح تتحركي خطوة شجعتي علي دخول عاالتحفيظ وجاني تعاقد وتركتة طبعا بنت جيراني تقول وين الاصرار المفروض تدوامي الصبح والعصر الموضوع يبغ له عزيمة بس التحفيظ مرة حلو سنتين ماانساها اجمل ايام حياتي

[عذااري]

انا الحمدلله اعطي دروس خصوصية في الرياضيات وصراحة عانيت كل مادقت علي وحدة وقلت لها ادرس بالبيت قالت لا تعالي عندي بالبيت وهذا صعب مع ان جارتي اجنبية وتعطي دروس ببيتها ماشاء الله بس حنا يالسعوديات مافينا ثقه تفكير غريب؟؟!! وبعضهن لا الحمدلله تجي وتجيب امها او اختها معها علشان تطمن واذا تطمنت جت بعدين لحالها
والحمدلله يطلع لي خير من وراء هالتدرس مايجي مع التدريس بالمدارس الاهليه اعطي 24 حصة و1200 بس الله يعين وكله عشان هالخبرة الله يرزقنااا

[اوله]

الفكره حلوة بذات انا ادرس عيال الناس ببلاش من هب ودب
شسوي هذي ضريبة الي يعرف يدرس
بس الفكرة اعجبتني
بتوفيق