احبتي من في ثانويه التاسعه عشر ؟.؟

[الفراشه المبدعه]

صباح / مساء ~ الخير والبركات ..

بالصراحه انا حبيت اتسجل بثانويه التاسعه عشر سمعت ان مديرتها خير مديرها ومعلماتها خير المعلمات لكن ماينقصني هو ان اعرف ماهي الثانويه المطور ؟.وما هي سلبياتها وايجابياتها؟!!
اخواتي العزيزات عندي اسئله بسيطه احب ان استفسر عنها :m0418:

س1 : يسير اقدم ملفي للمدرسه في اليوم الثاني او الثالث اوان الامر يقتصر تسليم ملف التسجيل باليوم الاول فقط ! مع العلم اني سعودية الجنسيه ؟.؟.

س2: هل يعتمد النضام في حل الواجبات المدرسيه او غيرها بالنت المنزلي ؟.؟.:k055:

س3: هل صحيح ماسمعت ان دخول الجوالات مسموح به في المدرسه ؟.؟.:oo5o.com (34):

س4: نسبتي 93% هل هذه النسبه تؤهلني لدوخول الثانويه << اعرف اني تساهلت بثالث متوسط :icon_frown:

وضحولي اكثر عن هذه المدرسه وكلي امل ان القى الاجوبه السديده :t1803:

تقبلوني عضوه جديده وخفيفه على قلوبكم
ولكم مني اجمل تحيه : الفراشه المبدعه :fdf:

[لميس أبوالخير]

أهلين حبيبتي الفراشة المبدعة :0101:
منورة منتدانا والله
كل عام وانتي بخير ولو انها متأخرة شوي :0172:

حبيبتي بالنسبة للتعليم المطور فهو أحد أساليب التعليم المتبعة التي تشبه في نظامها نظام الجامعات
حيث يعتمد فيها بشكل أساسي على المعدل التراكمي ( يعني نسبتك من أول يوم في الدراسة تنحسب الى آخر يوم )

أنا راح أكتبلك وأتبع قوله تعالى (( وما يلفظ من قول إلا لديه رقيب عتيد )) :m03110:
بالنسبة للمديرة صحيح شديدة لكن بصراحة حنونة على الطالبات من واقع تجربتي وما أخفي عليكي فيها العصبية
المعلمات لا أزكي أحد على الله ولكن الكل يعلم بأنهم ما شاء الله من خيرة المعلمات لكن في كل مدرسة فيها وفيها يعني أنا إلى الآن أغلب المعلمات اللي مروا عليا كانوا روعة لكن لا أعلم عن الباقيين

حبيبتي فراشة
بالنسبة للتسجل اللي أعرفه إنك لازم تسجلي من بعد اختبارات التيرم الثاني النهائية لكن بالنسبة للنقل أتوقع ممكن انك تنقلي ولو يفضل إنك تسرعي في النقل عشان تلحقي تلاقي مكان وووو

بالنسبة للواجبات سبق وقلت يعتمد النظام المطور على أسس التعليم الجامعي يعني ممكن تلاقي واجبات كثيرة تعتمد على النت وممكن لا حسب كل معلمة ومادتها >> ولو إن أغلب موادنا كانت واجباتها نت
اختصارا يفضل يكون عندك نت عشان لا تورطي لا سمح الله ويفضل إن يكون عندك سرعة في مجال البحث

بالنسبة للجوالات لا والله أبدا مو مسموح ومو عشان أنا مسجلة باسمي وخايفة ومن دا الكلام لا لأني عشت سنتين في دا الصرح التعليمي وعارفة كل الأنظمة وأبدا مو مسموح بالجوالات ( ببساطة النظام هوا النظام فين ما كنتي )

ممممممممم بالنسبة لنسبتك حبيبتي أتوقع دامك فوق التسعين ليكي الحق إنك تدخلي المدرسة لأني أعرف ناس دخلوا وكانو في الـ 80 لكن لازم تشدي حيلك في الدراسة الموضوع مو بسيط أبدا معدل تراكمي ما أحب أخوفك لكن لازم تصيري جدية ويكون ليكي بال على المذاكرة ويكون عندك صبر لأن ممكن تيجي عليكي أيام ما تخرجي أبدا من البيت على حس المذاكرة والاختبارات والواجبات >> عاصرتها دي الأيام

وما أخفي علييكي إن ممكن تجيكي أيام تكرهي المطور وتقولي يا ليتني ما دخلت لكن بعدين تفتكريها وتقولي والله ذكريات حلوة


آسفة ع الإطالة لكن حبيت أعطيكي واقع تجربتي كاملة على مر السنتين اللي عشتها ووالله من أحلى سنين عمري تقدري تدخلي على المواضيع في دا القسم وتشوفي إبداعاتنا في خلال دي السنتين وتشوفي قد ايش المطور حلو ويفجر فيكي طاقات إبداعية مالها مثيل


ملاحظة أخيرة
استخيري حبيبتي قبل لا تدخلي وتعقدي أمرك لأنه ( ماخاب من استخار ولا ندم من استشار )

ودا رابط فيه تفصيل أكثر عن المطور لو حابة تدخلي وطبعا احنا دائما في الخدمة لو ربنا كتبلك ودخلتي احنا موجودين لو حابة تسألي عن أي شي وحتى لو ما كنتي معانا احنا موجودين في المنتدى وممكن تسألي عن أي شي وان شاء الله نحاول نجاوبك
http://www.moeforum.net/vb1/showthread.php?t=309528 (http://www.moeforum.net/vb1/showthread.php?t=309528)


وصلى الله وسلم على سيدنا محمد

[أزهار سنبل]

مآ عندي شي آضيفو على كلآم لميس مآ شآء الله كفت ووفت
وآن ششآء الله تستفيدي من الكلآم :)
آزهآآر

[الفراشه المبدعه]

يسلمو حبيبتي لميس ع المعلومآت الكافيه ربي يسعدك ويخليكي معلماتك كانت شامله اشكرك على وقفتك الاخويه والفكريه ..

وانتي ياازهار اشكركي غاليتي على اهتمامك

اسعدتموني باهتمامكم وخدمتكم .. * _ ^

[لميس أبوالخير]

حبيبتي لا شكر على واجب
فرحت يوم إني قدرت أساعدك ولو شوية
تنورين مدرستنا ان شاءالله 3>

[i am with my self]

موفقه بإذن الله .

[أروى نمنكاني]

ما في زيادة ما شاء الله كفت ووفت وتعالي تنوري المدرسة وإن شاء الله راح تعجبك

[عماد الحربي]

http://islamroses.com/zeenah_images/w6w2005041919345643d1e4f8.gif

http://islamroses.com/zeenah_images/w6w_20051018011313a8332c3c.gif

[ثانوية اسماء]

مشكوووووووووووووووووووووووره

[نهى الوزنه]

مآآعندي ابدا زيآآده عن كلآم سمسم

بس ياآآرب يرزقك صحبآآت طيبين عششآآن تمششي معآآهم صح ^^



دمتم
نهى الوزنه

[سويرة~]

:fsdfds:ربي يسعدك يالميس ومشكووره ياقلبي ...
الله يوفقك يافراشه وانشالله تدخلي مدرستنا وتنال اعجابك زي ما انا نالت اعجابي
انا في صف اول ومرررررره مبسوطه في المدرسه والدراسه وكل الابلات الي درسوني مرره طيبين
وانا بالنسبالي كنت اكره شي اسمه كيمياء ولمن درستني ابله جوهرة:fsdfds: عشقت الكيمياء ^_^
موفقه ياقلبي ..... :fsdfds:

[عنقوده الامل]

انا ابغي اسال عن الاستاذه ياسمين ايش اخبارها

[أروى نمنكاني]

انا ابغي اسال عن الاستاذه ياسمين ايش اخبارها
الحمد لله كويسة تردلك السلام بس تقول من الأفضل أن تعرف اسمك الجقيقي :)