استفسار عن المدرسه

[ضحكة الأيام]

السلام عليكم ورحمة الله وبركاته
انا احدى طالبات المطور بالمدينه المنوره ولكن للأسف مدرسة لا تطبق النظام بشكل صحيح لدرجة اننا نحس انه مافي فرق بينا وبين طالبات التعليم العام
فأنا قررت انقل من المدرسه
وابي رأيكم وبكل صراحه في الثانويه 19 وهل تنصحوني انقل لها ولا لا؟؟ وهل هي مطبقه النظام بشكل صحيح
وشكراً
اختكم ضحكة الأيام

[شعاع الشمري]

اختي ضحكة الايام استخيري بالله اولا واخيرا واذا كانت المدرسة قريبة من مكان سكنك انتقلي لها ليش لأ
وانا اضمن لك بإذن الله انك ماحتلاقي الا كل خير لاني انا كنت من منسوبات هذه المدرسة الرائعة والمثالية
وبصراحة كل طاقمها من ناحية الادارة والمعلمات لهم فضل كبير علي بعد الله سبحانه وتعالى والى اليوم مانسيت احلى ايام قضيتها معاهم

[نهى الوزنه]

السسلام عليكم

( وما يلفظ من قول الا لديه رقيب عتيد )

راح اقولك رائي انا بمدرستنا بما اني طالبه من الثانويه التاسعه عشر , وبعدين انت احكمي ؟!

راح اقول رائي من ناحيه ( المعلمات – الادارة – تطبيق النظام – التدريس )

المعلمات في مدرستي مرااا ينااس صراحتا يعاملوك على انك بنتهم منك طالبه بينك وبينها الدرجات غير كذا ينموا قدراتك وافكارك وطموحاتك واكبر دليل مشاريعنا , عادلين في الدرجات بلا زياد او نقصان

الادارة ادارتنا حلوة تسمع اراء البنات تحاول توفر لهم كل اللي يطلبوه البنات , يخلوك تمشي على النظام بس بطريقه حلوة ما تحسسك انها امر من الادارة

غير كذا تطبيق النظام عندنا ممتاز لان مدرستنا سرلها اكثر من 4 سنين في النظام المطور فعندها الخبرة فتحس في فرق بين النظام العادي والنظام المطور

و طريقه التدريس عندناا مرااا حلوة كثير من الكتب تجينا دش مو طبيعي فيها بس المعلمات لما يجوا يشرحوا يشرحولك بطريقه مبسطه وحلوة ومرتبه ويعطوك المعلومه بدون الدش المكتوب في الكتاب J

<<( اذا كنتي جاده في الدراسة ومو لعابه راح يمشي معاك النظام المطور بس لو لعابه راح تتعبي كثيير :/ )

هذا كان رائي انا في المدرسة وكل وحده لها رائيها في الموضوع واختلاف الاراء لا يفسد للود قضيه :oo5o.com (28):
,,,

حبي وتقديري
نهى نبيل الوزنه

[أزهار سنبل]

آهليييييييين فيكي ضحكة الآيآم :)
آنـآ عن نفسي آشوف آننآ مطبقييين النظآآم مرآ كويس مآفي قرآر ينزل إلآ يطبقو , وتوزيع الدرجآآت يدوكم هيآ على حسب مآهي موجوده عندهم , والكتب تدرس زي مآهيآ , مآفي حذف في المنهج , الدورس تعطى بشكل جمييل , والمشآريع والملفآت والنشآطآت كلها مطلووبه مننآ , وآختبآرآتنآ مرتبة .. يعني آنآ آحسو كويس , بس شديدين نقطآآ
دا من رأي :)
أختكـ : أزهـــــآر سنبل ^^

[بصمة رائعة]

المفروض إن الحكم على المدرسة يكون فيه نوع من الحيادية ولكن أنا لاحظت المثالية لكون الطالبات عرفن بأسمائهن، فالمدرسة فيها العديد من السلبيات حالها حال بقية المدارس، فالملاحظ غياب بعض المعلمات بشكل ملحوظ ولكن بدون ذكر أسماء، حتى المديرة هذه السنة غيابها كثير( طبعًا لظرف صحية ونتمنى لها العافية) ولكن المشكلة الإداريات لم يقمن بالمطلوب ، أنا ألاحظ انضباط المدرسة في حالة وجود المديرة أما عدا ذلك فعلى الدنيا السلام ... هذا واقع المدرسة وللحديث بقية...........

[ضحكة الأيام]

مشكوووورين ماقصرتوو الله يعطيكم العافيه
والله من جد شجعتوني اجي للمدرسه

[أزهار سنبل]

آهليييين فيكي ح تنور المدرسه بوجودك :)

[نهى الوزنه]

بصمة حبيبتي

كل واحد وغذروا معاها

وانا اشووف ان ما في شي كامل ( الكمال لله ) وان كل شي له ايجابيات وسلبيات

بسس كثرة اشيائنا الايجابيه تغطي على قلة اشيائنا السلبيه ..


,,,

حبي وتقديري

نهى الوزنه

[أروى نمنكاني]

صراحة أنا ماكان في بالي أدخل ال19 بس الاستخارة وربي اراد ادخلها وكنت إلى الآن مترددة أجلس فيها ولا انقل بس عنجد لقيتها تناسبني وحلوة بس هوا يعتمد على كل بنت هل النظام يوافق عقلها وبيتها ولا لا ويوافق قدراتها صراحة انا عجبتني واكيد لكل شيء سلبيات السلام عليكم ورحمة الله وبركاته

[لميس أبوالخير]

أهلين فيكي أختي ضحكة الأيام
أولا وأخيرا استخيري الله وربنا راح يوفقك
ثانيا طبعا يحقلك تسألي
راح أقول وجهة نظري هنا تحت قوله تعالى ( وما يلفظ من قول إلا لديه رقيب عتيد )
مدرستنا بصراحة ومن غير مبالغة تشجع الإبداع ولا ماكان شفتي ماشريعنا أبدا صح؟؟؟
وكمان ما أنكر إن المديرة أستاذة آمال لها مدة غائبة لكن دا طبعا راجع لظروف صحية الله يشفيها لنا ويرجعها لنا بالسلامة
الطاقم الإداري ممتاز بصراحة بدليل إن كثير أوقات يجوا مشرفات للمدرسة والمديرة ما تكون موجودة لكن أبدا ما يكون عليهم أي قصور
بالنسبة للأنظمة مدرستنا تطبقها بحذافيرها تمااااما من غير أي تحريف أو أو يعني هيا مدرسة نظامية
ما أنكر في طالباتها بعض التحرر لكن دا راجع تحت إنها تعاملنا إننا كبار ومتأهلين لمرحلة جامعية
معلماتنا صراحة في قمة الروعة من حيث التدريس صراحة شرحهم لا يعلى عليه أنا عن نفسي دي السنة صارت لي ظروف غبت فيها عن دروس مهمة جدا لقيت نفسي وقت المراجعة الحمد لله فهمت الدروس من المعلمات لأنهم ببساطة رائعات بالفعل وأنا ما أنكر أبدا
من ناحية تطبيق المعلمات للأنظمة فهما بالفعل يطبقوها جييدا وطبعا هما يعطوكي الأنظمة في بداية السنة عشان تكوني عارفة ايش اللي ليكي وايش اللي عليكي لأنه دا النظام واحنا اخترناه بأنفسنا لكن ما يمنع منهم التخفيف يعني مثلا حكاية المشاريع أغلب المعلمات كانوا يطلبوا مننا مشاريع عشان درجاتنا لكن أبدا ما طلبوا مننا التكلف أبدا >> ودا تحت مسؤوليتي إلا من بعضهم ( بدون ذكر أسماء ) لكن في المقابل في معلمات طلبو مننا أنشطة لا صفية تخص موادهم وفي الأخير اعتبروها لنا كمشروع
تخفيف في المنهج ما أقلك ما يخففوا في معلمات جزاهم الله خير خففوا علينا في المنهج تحت عنوان الرحمة وفي معلمات لا تحت عنوان المسؤولية
وطبعا ما أحب أطول عليكي ولكن اختصارا أقلك يا حبيبتي استخيري وشوفي قدراتك لأنه دا النظام بالذات ما يستحمل اللعب أبدا إذا شفتي نفسك قادرة عليه وعندك طولة بال للمذاكرة والواجبات ( لأنها بصراحة ما أنكر كثيرة جدا ) ونسبتك فوق الـ 90% أدخلي الله يحييكي يا قلبي وأنا أكون أول المستقبلين ليكي
وفي حالة عندك أي سؤال أو استفسار الله يحييكي أنا موجودة وكل بنات الـ 19 موجودين للخدمة
بالتوفيق ليكي

[i am with my self]

موووفقه يا قلبي : )
بالنسبه ليا انا قالولي صحباتي انهم مره انبسطو فيها سنه اولى لكن سنه تانيه وتالت تعبو كثيير
مع انهم كانو مررره منسجميين فيها مررره سنه اولى بس لما سارو سنه تانيه كسلو وجاهم احباااااط من المدرسه لكن زي ما قالولك البنات انو اذا كان النظام ماشي مع طريقه تفكيرك وكذا اكييد رح مشي فيه
وقبل دا كلو استخيري وشوووفي اذا ارتحتي ادخليها وتوكلي على الله