طالبة تدرس في الثانوية الاولى

[طالبة_]

السلام عليكم
انا كتبت هذا الموضوع وانا متأكدة إن بتصير مشاكل كثير عليه بس من القهر اللي فيني
أول شيء الثانوية الأولى من أسوء المدارس على المدينة من كثر ماعنيت فيها والى الآن أعاني من معلمات وبنات وادارة ومرشدة وكل شيء
انا أدري بتقولون عممت إيه صح مو الكل لكن الأغلب من جهة المعلمات غير التعامل السيء من الأغلب والألفاظ ويضغطون عليك في الدرجات والمشاريع والاختبارات بتقولون كل المدارس والمقررات كذا إيه صح بس يراعون ان الانسان عنده ظروف وممكن هذي الظروف تكون اقوى منه بس ما تلاقون اللي يراعي وكل ما قلتي شيء تتهزئين وغير الالفاظ اللي يتعدون عليك فيها من غير لا اذكر الاختلاف الطائفي لانو ذا الشي راجع للشخص نفسه وتحسبون المشاريع اللي منزلينها ذي نشوفها حق الموجهات والمشرفات ويصورون وخلاص وغير الفلووس والاغراض مشروع التربية المهنية حق ثاني ثانوي علمي كلف بعض البنات حتى وصل للالف
والشرح يعني بدون مبالغه ثلاث ارباع البنات بمدرسات في البيت عشان يجيبون درجات لانهم مايشروحون ولمن المديرة تجي بتحظر درسها انواع النفاق ويستخدمون استراتيجات وافكار وهم بالحصص العادية ولا شيء من ذاك النفاق كله
وللامانه اللي يشرحون ينعدون على الأصابع وتجيك ما تشرح ولسانها اعوذ بالله ضغط على ضغط على ضغط بننفجر
بتتوقعون اني بنت مستواي مو هذاك الشيء لا بس درجاتي الحمدلله وتقديري ما ينزل عن ممتاز
يعني عشان تصدقون ادخلو فصل اسمعو معاناتهم مع الابلات لا تقولون مرشدة ومرشدة اكاديمية لانهم مايحلون شيء خذو مثال اشطر بنت من كل فصل بتلاقون عندها مدرسه لكل مادة تجيها البيت بدل الافكار اللي يسونها ادخلو فصل فصل واخذو احصائية بأسماء الأبلات وايش مسببين لنا من ضغط وخلوها تتعاقب زي ما توزعون اشعارات ضعف واشعارات تفوق
نحتاج وقت نقلكم الابلات اللي ما يشرحون كل الفصل يتفق عليهم وتطبقون عليهم عقاب
ما نبي شيء بس نبي نفهم
طبقو اقتراحي والابله الي يشتكون منها كل الفصل بالفاظ او اي شيء تتخذون معاها اجراء بدون مايتعرض الفصل او البنات لأي شيء مقابل الابلة الي يمدحونها كمان تستاهل شيء مقابل اخلاقها
ترى هذا شيء غير البنات عاد البنات شيء ثاني
ندخل دورات المياه نشوف مناظر ولا فيه رادع وغير الالفاظ والمصايب الي يسوونها والي يجيبونها
بتقولون المتربية بتمشي طيب انا وش ذنبي اشوف كذا
والمرشدة اسوء اش اقول وش اخلي
كلهم ما عندهم وقت يسمعون شيء ووقت من تصير المشكلة يصيرون طيبين
ترى تعبنا والله المدرسة كلها نفاق نفاق نفاق نفاق بشكل موب طبيعي
لو اكتب من اليوم لبكرا ماباخلص
بس تعبت يعني انا متحملة وما كنت اشتكي لين واجهتني ظروف اقوى مني وحسيت بالضغط من البيت والمدرسه واش بيسوون فينا وينسون كل شيء ويحاسبونك على التقصير ذا طيب انا عندي ظروف اضطرتني لكذا لو وحدة منكم كانت محلي بتحس فيني
وبس تعبت وبنزل الموضوع وعندي الجرأة اني اكتب اسمي بس بتصيرلي مشاكل مالها اول ولا آخر.

قبل كم اسبوع انمسكت من معلمات النظام بسبب فطور في شنطتي ايه ادري انه ممنوع والمدرسة مسؤولة توفرلي وجبة فطور فقط بس ما تدرون انا وش عندي مشاكل صحية تخليني احتاج لنوعية اكل معينة او كمية اكل بزيادة وقد تكون اسباب مادية واذا ماكان عندي وفرولي شيء غير الجبن والزعتر اجلس ثلاث ارباع الفسحة انا انتظر زحمة المقصف عشان فطور هذا شيء من الاشياء

اسبوع القدرات كان فيه توتر مو عادي ما تتخيلون حجم الضغط الي اتعرضناله ولا احد يراعي ما عندي اعتراض على اي شيء بس كل المدارس ذا الاسبوع خففو من الواجبات عشان يمدي نذاكر لو شوي ادري المفروض الاستعداد من اول بس نحتاج لراحة على الاقل اختبرنا فيه كثيير وواجبات اكثر غير القلق اللي بالاختبار راعونا شوي
لو باكتب معاناتنا كلنا ما بيكفي موضوع في منتدى

[raboshacool]

اخخخخخ بس ماعرف مين انتي بس وربي كأنك انا من جد وربي ، عشان لحد يتكلم وانا كمان الحمدلله تقديري ممتاز ولاعمري نزلت منه ، بس شي يقهر لما تجي ابله تذلك بشي والا مشروع والا واجب ولما تجيبيه لها ونعمه انك جبتيه لها بس عشان درجاتك وتجي تقولك ماراح اعطيك درجاتك عشان فيه عيب او تعطيك نصها ، طيب يعني انا ايش اسوي ؟ الاقيها من ضغط الابلات الثانيات او من ضغط البيت او من معاملات الابلات او......... او ......... الخ ، وغير المشاريع وفوق هذا كللللللله تجيك ابله ماتعرف تشرح اصلا لما تشرح تقولي هذي كيف سارت ابله ؟ وقسم ما ابالغ وتجي تقولي لها عيدي تقول روحي البيت وراجعي تفهمين ، لا ياشيخه ؟ وتجيك ابله تحط لنا اختبار في يوم احنا اساسا عندنا اختبار فيه لما نقول لها عندنا اختبار تقول ايش ذنبي ؟ طيب احنا ايش ذنبنا ؟ ولما تحاولي تتكلمي مع بعض الابلات مايسمعونك ، ولما ترفعين صوتك عشان تلفتي انتباههم ، انتي هنا سويتي منكر انتي هنا كفرتي ، ايش سويت ؟؟ بس ابغا احد يسمعني لا انتي قليلة ادب وماتستحي يلا على مكتب المديره وتاخذي لك تهزيئة محترمه على ذنب مو ذنبك او بالاصح على شي اساسا حق من حقوقك اللي هو انه ابلتك تسمعك وتراعي ظروفك ، بس لو اتكلم وابغا اخذ حقي راح اتعاقب

[Amoja]

والله صح كلامك يعني انتي فتحتي لنا المجال أننا نتكلم حتى احنا عن معاناتنا في الثانويه الاولى ، يعني تدخل الأبله الفصل وتحسس البنات بالعجز انهم م يفهمو شيء واغبياء طيب الماده صعبه شوي ويبغالنا حتى نفهمها انتي تجين وتقولي لنا كلام محطم ليه؟؟ يعني حتى تشجيع مافي أبداً حتى لو كان الفصل سيء مفروض م يجمعون على كل بنات الفصل! وكل فتره والثانيه تفتيش وقلق وينقلب الفصل فوق تحت تبغو تفتشو فتشو في الحمامات شوفو البلاوي اللي فيها مو الفصول، وبعدين موضوع الأكل يعني امانه احنا من حقنا نجيب لو فطور بسيط بس م يمنعونا من ذا الشيء ويقولوا لنا الأنفس مو كلها طيبه طيب مو كل الناس أنفسهم خبيثه! وبعدين على المشاريع يعني مشروع ندفع فيه الف وشيء وتجي ابله بكل برود تقول كل اللي سويتوه ذا انا م استفدت منو شيء وولا درجه راح احط لكم عليه طيييب للليييش كذا؟؟ تضغطو علينا بالمبالغ اللي بالالف والافين دي في الاخر تقولي انا ما استفدت شي من مشروعكم وعلى فكره يعني المشروع للطالبه ماهو للمعلمه في الاخر الطالبه هيا حتستفيد ولازم تعطوعها حقها من الدرجات دا اقل شي ممكن تسووه
وربي مانبغا منكم ولا اي شي نبغا بس تعاملو البنت على انها ادميه قدامكم لاتستحقروا احد مو يعني انتو معلمات يعني تستحقرو الكل معليش ترا احنا بنات ثانوي يعني لو متزوجين كان عندنا بزوره وكمان لو كان عندنا اختبار او حفظ وتجي المعلمه الثانيه تحطلك اختبارين في يوم واحد لا دي تبا تفهم ولا دي تبا تفهم تقولك انا ايش ذنبي؟ معليش كدا تخلو الواحد يضطر مايحترمكم ويرفع صوتو عليكم ولا النظام اللي حاطينو لما تجيك وحده اظافرها ماهي طويله مره مايطلعوها حصتها الا لما يشوفو اظافرها متقلعه ولما تقصها اصابعها توجعها حتى اقلامها ماتقدر تمسكها ويرتاحو كدا وهما ماسكينك تحت ومعطلينك عن الحصه واطلع فوق الاقي الابله كاتبتني هروب او غياب تقولي الاداره قالت اي وحده تقولك ماسكيني تحت سجليها تأخير بعدين اجي نهاية السنه عندي 0 من 5 في الغياب ولله ظلم المفروض تراعو البنات لو شويا عشان على اقل يكون لنا نفس اننا نجي المدرسه وإحنا مبسوطين.

[raboshacool]

المشاريع ، خمس طالبات مع بعض ويمكن اكثر ومقسمين الاغراض مع بعض ، لما اروح البيت اهلي يقولو هذي الاشياء انتو من عقلكم تسووها وماعليها درجات من كثر الاغراض اللي اجيبها ويحسبوني مشروع لحالي ، وحاولت افهمهم ، وكمان على طاري الغياب انا من الابتدائي وانا ما احب اغيب ومعروفه اني اداوم لأخر يوم ، اهلي لما شافوني اغيب شكو يقولولي ساير شي بالمدرسه احد مأذيك ؟؟ ايش تبغوني ارد عليهم بالله ؟ لا والله بس الابله ضاغطتنا شويه ، ما اقول غير حسبي الله ونعم الوكيل ، كل الناس عندهم احلى ايام الدراسه ايام الثانويه واحنا اسوأ ايام الدراسه ايام الثانويه بتكرهونا حتى لو الوحده عندها طموح و احلام وامنيات تكرهو الواحد يكمل دراسته .

[Noody17]

السلام وعليكم ورحمه الله وبركاته
احنناا من الثانويه الاولى
حبينا نشكي لكم عن حالنا متضررين من كل الجوانب لا ابلات ولا مرشدات وطالبات
نبدا لكم بالمقصف المدرسي اكل احنا م نعرف من فين جاي الحريم اللي يساوهه نظيفين ولا لا ونشتكي للمديره تقول مالكم في المقصف ي خي حرام مين اللي ياكل من المقصف مو الطالبات 7 سااعات بدون اكل واذا جبنا اكلنا من بيتنا ياخذوهه .لا وفوق دا كل بعد يومين هاابين لنا بالتفتيش محسسينا انو احنا بنجيب مخدرات ترا كلها شبسات وفطيره وعصير
لا وبعد حتى عصير السن توب دا ياخذوه والكب كيك ياخذوه بالله دي مدرسه
والمعلمات ما اعمم اغلبهم مافي احترام والطالبات من سابع المستحيلات يحترمو احد مو محترمهم اهلنا ما يعاملونا معاملتهم احناا مو جايين من الشارع فيه ورانا اهل واهلنا رسلونا المدرسه ندرس مو عشان ننهان
ودرجاتهم بفلوس مو اي طالبه تقدر تدفع ويطلبو مبالغ جامده احناا مرا تعبناا مهانين احناا في هذه المدرسهه ، يقولو كلام مو مناسب لهم كا معلمات لو بنتكلم ما حنخلصص مو بس احناا تعبنا اغلبية المدرسسهه زورو مدرستنا لو تزوروها كمان نفاق حيسوو اشياء ما يسووها وزا جو موجهات كميه النفاق الى بالشرح وكميه الاحترام الى يسوه قدامها بس عشان يبينو انهم مرا محترمين ومعاملاتهم مع الطالبات كويسه وهوما من جنبهاا ،معليش يعني ترا احنا اوادم زيكم ،نحترم الى يحترمنا ويكلمنا ب اسلوب حلو ، ولا تجيكي ابله منفسه وتحط حرتها فينا احنا ايش ذنبنا دام هيا منفسه وتحط حرتها فينا ،نجي للاختبارات يحطو اختبارين بيوم واحد وعادي نقولهم عندنا اختبار مايفهمو يقولو ايش ذنبنا اذا عندكم اختبار لا لا لحضه احنا الى ايش ذنبنا احنا الى بنزاكر وازا جبنا درجه مو كويسه يجلسو يهزؤ، وفيهم كميه حقد وظلم غير طبيعيه ععادي ترسب البنت عشان رفعت صوتها مو سبب مقنع عشان ترسبها يرفعو اصواتهم ومايبغونا نرفع اصوانتا وازا رفعناهاا ينزلونا الاداره ويخلو كل الغلط عليناا واحنا مو متربين وووو........ من دا الكلام الى اخره ، ويسسو مشاريع مو حقت مدرسه مشاريع مرره تكلفف وعليها عشر درجات شي مو معقول كل طالبات مدرسهه هذا غير البحوث والتقارير تعبنا عشان نسويها ي خي عععيب م يرضوه في بناتهم اللي يسووه فينا احناا ممررا تعببنا ، اتعدو حدودهم
طيب نجي لنظام يفتشو ع الجزم والشراريب وانتو الكرامه ايش لهم فيها ! طالبه ثانويه ويفتشوها كذا ايش خلوو للابتدائي ححواجبي ي اوادم مين حيتحاسب اناا ولا هما تعهد ع حواجب طيب وبعدين حترجع حواجبي طبيعيه مثلا
وع كل شي الوزاره قالت نفسي اعرف الوزاره بتقول للبنت لاترسمي حواجبك ولاتجيبي اكل معاكي كلي من اكل المقصف
المهم هاذي حالتنا في المدرسه وبنعاني كتير منها ايش اقول وايش اخلي هاذي شي بسيط
وبس والله سلملم

[22Lel]

شوفي عيني انا معك بالكلام بس بالغتي في الكلام بخصوص البنات وكلامك كبير ترى وغلط ان كل بنت شاطره عندها مدرسه خصوصيه اذا اللي حولك عندها فهذا ما يعني ان الكل عنده ومعك انا ان التفتيش الشبه يومي كاننا بمعسكر مقّرف وممل بس ما لهم حيله احنا برضو ما نقصر بالتصرفات وبالعب يعني اخذين حقنا و الابلات صح فيهم وقاحه بس ان كنتي محترمه مسسسستتححييل تجي الابله وتغلط هي من نفسها أكيد انت مسويه بّلا وترى انتي صح جالسه تشتكين بس انتي ركزتي على الاشياء السلبيه اكثر في ابلات كثير يعرفون يشرحون كويس واذا ما غلطي عليهم في حصصهم مممسستحيل يسمعونك كلام يعني انتي حطي حالك بمكان الابلات تدخلين الفصل وتلقين كم بنت تقلل من احترامك او ضحكها كثير بالله مو تنجلطين شيء يجلط بالصراحه وفوق ذلك لسانها طويل !!!! الواحد لما يجي يشتكي يشوف الموضوع من كل جوانبه مو بس يشتكي كذا ! وانا بعد معك طفشت وان قررتي تقولين انتي مين انا راح اكون اول وحده توقف معك بس لازم بكون في وجه حق بالموضوع وبخصوص الابلات اللي ما يفهمون تلقينهم يراعون بالدرجات والواجبات ذا الاغلب طبعاً مهو الكل ومن ناحية الابلات اللي يفهمون ما شاء الله عليهم أكثر من الهم على القلب

[Dr.jees]

والله معك حق ب كل كلمه قلتيها ضغوط ضغوط نفسيه وجسديه
الابلات مايراعون !
واكثر الابلات اللي تجيك من بيتها معصبه وتحط حرها فينا ابله ا
يعني انسانه لا تطاق للحق شرحها تمام بس ! الفاظها تخلي الواحد يستفزها غصب كلفتنا كلفتنا بمشروعها وخسرنا وتعبنا واهلنا تعبو عشان مشروعها معطيه الماده فوق حجمها ! يعني احنا عندنا مواد اهم ! وانتي تضغطين علينا روحي مدري وين وجيبي تقرير خخير يبوي ؟ وفي مواد مهمه مثل الرياضيات وغيرها المعلمات احنا نقولهم في غلط ! واختبارات سم ؟ يعني احنا وش ذنبنا اذا انتي غبيه ونحل نفس حلك بالاختبار وتحسبينه غلط
؟ وكله كوم كوم ثاني انسانه مستفزه وماعندها اخلاق !
تطالع البنت كنها حماره عندها تطالعها بقرف وكنها هي بس النظيفه خفي علينا يبوي ؟ ؟ اكبر مثثال ع النفاق بهالمدرسه ابله اسماء ترفعك للسماء لاشافتك وعند الابلات تنزلك الارض !
قدامنا تسب الابلات و و و ولما يجون الابلات ايوا ياعمري وايوا ياقلبي وايوا يادنيتي ! كمية قرف بهالمدرسه
تمسك عشان الحواجب نعم ؟ خير ؟ وش تبين ؟ وش دخلك !
نامصه ؟ الحرام علي مو عليك راسمه ؟ شىء لي مب لك ! صابغه مايخخخصصصك !
والاظافر اذا كانت طويله انتي وش دخلك ؟ بتاكلين من يدينا ؟ لا مالك دخل ياخي ! احنا ب ثانوي مو ب ابتدائي
وبخصوص الاغراض اللي صادروها يوم الاثنين ؟ ترا بفلوس اهلنا مو ع ظهورهم دم فاسد ! اذا انتي غنيه غيرك لا ترا مالك حق تاخذين الاغراض ولو اشتكينا الوزاره كلكم بتروحون ورا الشمس بس الواحد مايبي مشاكل
وشفنا كثير اشياء من ابلات كثير بس ترا ماراح نخليكم من دعواتنا حسبي الله ونعم الوكيل فيكم كلكم
وبعدين الشاطره اللي فوق ! عطينا ايجابيات المدرسه

[raboshacool]

Up

[#منال]

طالباتنا العزيزات ...
الرجاء عدم ذكر اسماء المعلمات او التشهير بأحد
اذا تكررسوف تحظر عضوياتكن
يغلق الموضوع