فزعتكم ياشباب ويش اســـوي

[خريج حاسب]

انا ما سجلت بالمقابلات الشخصية للتعين المعلمين رغم اني اختبرت القياس قبل اسبوعين
والان الموقع الخاص بالتسجيل للمقابلات الشخصية مقفل
تكفووون ساعدوني ويش العمل في هذة الطريقة
كيف اسجل

[خريج حاسب]

تكفووون ياشبااب ساعدووني وينكم انا بورطة

[اخر سمستر هع]

اووووف صدق ورطه .. ~

والله مقدر اعطيك النصيحه الاكيده .. ~

بس انا اقول اصبر لين تنزل مواعيد المقابلات في الوزارات ~

ورح خبرهم سالفتك قبل المواعيد يمكن يسجلونك من عندهم ولا شي ويساعدونك ~

واذا فيه حل ان شاء الله محد مقصر معك ..

[عدنان الذبياني]

آسمع نصحيـتو يمكن تمشي معاك..

لانو ع حسب النظام إنك تستنى السنـة الجايه..

[خريج حاسب]

شكرا لكم والله يعطيكم العافية ,, طيب عدنان الذبياني مو نظام انك تجلس للسنة الجاية ويش هذا انا متخرج السنة اللي راحت وقاعد تقريبا تسعة شهور نستنى هذة المقابلات ... والسالفة كلها مجرد انهم يدخلوني اسمي بالمقابلة انا ما قلت وظفوني !!! ويش لهم يعقدون الامور ؟
والشي الثاني اللي بأقوله لكم انا سجلت بالموقع عن طريق محل انترنت وكتبت بياناتي وضغط على ايقونة تسجيل بالموقع بعد اكمال بياناتي واخرجني برا الموقع فكنت متوقع انه خلاص سجلت لكن للأسف طلع العكس مدري ليش,, اتوقع خلل من الاتصال او من الموقع اكتشفت هذا بعد ما جيت ابي اراجع عن موعد المقابلات بنفس الموقع امس وبسجلي فحصلت بعد ما اكتب سجلي المدني واضغط دخول يطلع السجل مو موجود بقاعدة البيانات ويقولي عفوا انتهى موعد التسجيل المحدد ؟؟

[خريج حاسب]

ادعووولي بأن ربي يوفقني بحاول امرهم واشوووف انشالله القى حل والرزق بيد الله

[وهــــم]

الله يوفقك يارب وييسر أمورك

اتصل عليهم واشرح لهم وضعك

أاعانك الله وفقكك

[دمعة ألم]

دام الاختبار لسه ان شالله في امل

روووووووووووووح لهم سافر اتعب

ولا تجلس سنه كامله

[عافك الخاطر]

رح لنفس ادارة التربية والتعليم اللي بمنطقتك واشرح لهم الوضع انشاء الله يفيدونك لأن المقابلات راح تكون بأداراة التعليم بالمناطق اللي محددة من قبل الوزارة
والله يوفقكـ

[alooon]

السلام عليكم ورحمة الله وبركاته

انا صار معاي نفس الي صار معاك ولا سجلت ؟ المهم رحت لاداره التعليم الي في نفس المنطقه وقالت لي ما لك غير الوزاره في الرياض وكلمت واحد يقرب لي في الرياض وسالهم قالوا له اكتب معروض وان شاءالله خير واعطاهم رقم جوالي واخذت رقم المعامله عشان اراجعهم فيها والي الحين ما ردو علي رغم اني مقدم على المعروض بعد اسبوع من انتهاء التقديم . وخبرني وش يصير معاك

والله الموفق ,

[خريج حاسب]

انا نفس وضعك ياخوووي جيت الوزارة والله ياخووي بصراحة فاشلين ومو متفاهمين ابد تقول جاي اشحذهم قالوا لية اكتب معروض واخذ رقم المعاملة وراح ندق عليك اذا صار عليها رد
بصراحة شي يقهر ما اقوول الا حسبي الله عليهم ونعم الوكيل والله ياخذ لي حقي انشالله

[alooon]

والله يا خوووي الله يعينا عليهم والحين ما لنا غير ننتظر نتائج القياس وبعدها ان شاءالله تنحل المشكله.
وخبرني عن اي شيء جديد يصير معاك

[alooon]

السلام عليكم ورحمة الله وبركاته
حبيت اخبرك انهم اليوم دقو علي وقالو لي ادخل الموقع واسجل فيه والحمدالله سجلت وانت اذا شفت رسالتي هذي ادخل على الموقع حقهم وقدم عليها.

لا يفوتك يالغلا بالتوفيق ،